Bláa pillan í kóvid-Matrixnum

Hafið þið einhvern tíman velt fyrir ykkur hvernig það væri að lifa í “Matrix”-heimi, þar sem allt sem ykkur er sagt er lygi og þeir fáu sem sögðu sannleikann væru cancelaðir til að halda ykkur sofandi.

Þessi lygaheimur er flestum Íslendingum nær en margan órar fyrir, því á covidtímanum var öllum boðið í Matrixinn. Fáir komust þó í rauðu pilluna, því hvert sem litið var var einhver að bjóða þeim bláu pilluna. Á hverjum degi, mörgum sinnum á dag, á hverjum almannavarnafundi, í hverjum fjölmiðli, útvarpi, sjónvarpi, netmiðli og jafnvel í vinnunni og í fjölskylduboðum.  “Ég hlýði Víði” varð mottóið sem allir urðu að lifa eftir. Hápunktur áróðursins var þegar byrja átti að dreifa eitursprautunum.   

Á þeim tíma leiddi ég coviðspyrnuna, hóp fáu sem höfðu tekið rauðu pilluna og gerði allt í mínu valdi til að vara Íslendinga við hættunni. Við mótmæltum um hverja helgi á Austurvelli og reyndi að komast í alla miðla sem vildu taka við mér. Í nóvember-desember 2020 fór ég í nokkur slík viðtöl. Öll eru þau súrrealísk í dag vegna lyga viðmælendanna sem þó oft vissu ekki betur.

Fyrst mætti ég lækni í kappræðum á Harmageddon sem talaði fyrir skaðleysi bóluefnanna og að Bóluefnaframleiðendur bæru ábyrgð.  

Næst tókst mér með herkjum að komast að í “Í bítið” í fyrsta sinn í kófinu. Eitthvað urðu þeir þó smeykir og stuttu fyrir viðtalið breyttu þeir formatinu í kappræður við Björn Inga - æðstaprest “Ég hlýði Víði” dygðarsinnanna.  “Hættulegar” skoðanir mínar máttu ekki koma fram nema einhver sem gæti gripið inn í og bjagað umræðuna. Birni virðist svo hafa verið boðið í stúdíóið en ég þurfti að sitja heim og taka viðtalið í síma í takmörkuðum hljóðgæðum.  Viðtalinu var síðan vandlega stýrt af þáttastjórnendum og þegar leið á það voru þeir báðir komnir í lið með Birni í andsvörum. Bláu pillurnar sem ég fékk að heyra voru margar: Bóluefnin voru vel rannsökuð, stöðvuðu smit og myndu enda kófið. Ísland stóð sig best í sóttvörnum, lokun landsins þegar smit voru flest í evrópu og rústun ferðaþjónustunnar var mild aðgerð, landið var ekki lokað, … og allt á þessum nótum.  …. Öllu var vel stýrt af þáttastjórnendum þar til þeir leyfðu mér að eiga síðasta orðið.  Það átti að vera 30 sekúntum en endaði í rúmum þrem mínútum.  [mínúta 20:40-23:49].  

Stór feit rauð pilla:

Ég: “Ljósið við endann á göngunum sem Björn er að lofa er bóluefnið.  Þetta er líklega vanþróaðasta bóluefni heimssögunnar. Þetta er RNA tækni sem enginn hefur prófað áður.  Það eru nú að koma fram upplýsingar um að að einn af þeim sem voru í bólefnaprófunum Pfizer, hann dó þremur dögum eftir að hafa fengið sprautuna. Ef við yfirfærum það á Ísland og að bóluefnið muni verða jafnhættulegt fyrir Íslendinga þá mun það þýða að 15 Íslendingar deyja bara af bólusetningunni sjálfri.  Þetta eru ekki Íslendingar sem meðalaldur er 88 ára sem er meðalaldur þeirra sem deyr nú úr covidi heldur yrði þetta ungur Íslendingur.

Gulli [grípur inn í]” Jóhannes var þetta ekki aðilinn sem fékk lyfleysuna?

Ég: “Nei þetta var einn af aðilunum sem fékk lyfið og hann dó þremur dögum eftir það”  

Það eru nú að koma fram alls konar upplýsingar um bóluefnið í Bretlandi og það var einn aðili [Yeadon] sem fór að vara við hvað þetta væri hættulegt og hann spáði þrennu.  Hann spáði því að það myndu koma einhver ónæmisviðbrögð út af PEG - Þetta var eitthvað sem Pfizer varaði ekkert við og það gerðist um leið og …

Heimir [grípur fram í]: … og bara að lokum við heyrðum í Þórólfi hér í morgun og Þórólfur sagði að allir okkar helstu sérfræðingar voru að fara yfir gögnin um þetta bóluefni og það væri ekkert í þeim sem bentu til þess að þetta væri hættulegt. Ég sá líka viðtal á BBC við sérfræðing frá læknaháskóla í New York ríki sem sagði að þetta væri nú sennilega eitt.. Eða það bóluefni sem mest hefði verið skoðað af þeim öllum hingað til og það væri nú ekkert sem benti til þess að það væri hættulegt. Þ.a. menn eru greinilega þá greinilega ekkert á eitt sáttir með þetta. Það eru skiptar skoðanir á þessu. 

Ég:  Ekki tímaleysið. Málið er að það verður að bíða einhvern tíma til að fá niðurstöðu úr þessu… 

Heimir:   … langtímaverkanir kannski.

Ég:  Langtímaverkanir og ekki bara það heldur planið, þetta var þétt svo saman bóluefnarannsóknirnar að menn voru ekki endilega að gera réttu prófanirnar. Menn vissu ekki alveg hvað mælingar áttu að gera í næstu skrefum þ.a. Óvissan er allt önnur.

… og bara ég verð að koma þessu að þetta er svo mikilvægt:

Það vera þessi aðili, [sem er] fyrrverandi yfirmaður [hjá] Pfizer [Yeadon].  Hann varaði við fjórum aukaverkunum: Fyrsta er komin fram núna, það var þetta sem gerðist í Bretlandi [óðaofnæmi vegna PEG]. Hann varaði líka við þessum langtimaverkunum. Hann varaði líka við því að að það væri ekki búið að rannsaka áhrif Pfizer bóluefnisins á frjósemi kvenna og það var undanskilið í prófununum.  … og hann fór fram á það að prófununum [og dreifingu bóluefnisins] yrðu stöðvaðar því sjálfboðaliðarnir voru ekki varaðir við.  … og fjórða sem gæti gerst: Fólk verður að átta sig á hvað þetta er hættulegt. Fjórða aukaverkunin af þessu bóluefni er svokallað ADE [Antibody Dependent Enhancement] og þetta gerir það að verkum að allir sem fá bóluefnið geta einhvern tíman seinna meir orðið meira veikir af covid held en ef þau hefðu ekki fengið það  [bóluefnið]…  [heimir byrjar að grípa fram í en ég held áfram] … þetta er ljósið við endann á göngunum.  

 [Ætlaði svo að klára með að segja að “ljósið sem Björn Ingi sæi við endanum á göngum væri lest sem mundi bruna yfir hann og alla þá sem honum fylgdu en þarna stoppuðu þeir mig alveg af.]

Heimir: [grípur fram í] … en þetta eru nú allt saman hugtök sem við þekkjum ekki sem erum ekki sérmenntaðir þannig að við munum að sjálfsögðu reyna að fá einhvern sérfræðing sem þekkir þessi hugtök til okkar í fyrramálið og fara yfir þessi orð þín.  Og og og hafa allt saman á borðinu í þessum efnum.  [damage control]

Eftirleikurinn

Daginn eftir var yfirlæknir ónæmisdeildar landsspítaland og helsti hvatamaður covid-bólusetningann kallaður til í drottningarviðtal til að gefa hlustendum aftur bláu pilluna.

Ég fékk ekki að koma aftur í Bítið til að svara lækninu eða rökræða við hann, en Harmageddon tóku þó við mér og gáfu mér gott viðtal til að fara yfir málin. Þetta seinna viðtal er ansi magnað fyrir þær sakir að vera hálfgert nostradamusarviðtal því allt sem þar er sagt raungerðist síðar (sjá viðtalið hér).

Hvorki mér né nokkrum sem talaði gegn eitursprautunum fengum aftur að komast í Bítið fyrr en búið var að bólusetja alla þjóðina. Aðeins bláar pillur voru leyfðar í bóluefnaumræðunni eftir það.  Þeir voru ekki einir um það því RÚV talaði aldrei við okkur fyrr en við buðum fram til alþingis.

Það athyglisverðasta við þetta viðtal var hvernig útvarpsþættinum virðist hafa verið ritstýrt til að kæfa alla gagnrýni á yfirvöld.  Þegar hættulegar staðreyndir komu fram þurfti að kalla til sérfræðing til að gefa bláar pillur morguninn eftir. Þetta lýsir líklega tíðarandanum. Allir voru á bláu pillunni og rauðar pillur ógnuð þeirra lífssýn og því mátti enginn vita af þeim.

Pfizer skjölin (stóra rauða pillan)

Næsta þriðjudag mun Naomi Wolf halda erindi um Pfizer skjölin, um 450.000 skýrslur sem Pfizer gerði við þróun bóluefnanna og átti að halda leyndum frá almenningi næstu 75 árin, en var þvingað til að birta.  Umfjöllun um þetta mun verða efni næsta bloggs.  Mæli með við alla að mæta í gamla bíó glukkan 19:00 á þriðjudaginn 15. apríl.  Hægt er að kaupa miða hér.

… en sem sýnishorn af því sem þar kemur fram, má nefna það að á sama tíma og ég var í þessum viðtölum að vara við skaðsemi covidbóluefnanna á frjósemi kvenna, voru vísindamenn Pfizer búnir að uppgötva að bóluefnið ylli slíkum skaða og voru að rannsaka það.  Sönnunargögnin fyrir skaða á konum voru þannig þegar komin fram en samt var ákveðið að halda áfram með sprautuherferðina án þess að upplýsa almenning.

 

 

English translation:

 

The Blue Pill in the COVID Matrix

Have you ever wondered what it would be like to live in a “Matrix” world, where everything you’re told is a lie, and the few who spoke the truth were canceled to keep you asleep?

This world of lies is closer to most Icelanders than many realize, because during the COVID era, everyone was invited into the Matrix. Few, however, reached for the red pill, as everywhere you looked, someone was offering the blue pill. Every day, multiple times a day, at every Civil Protection press conference, in every media outlet, radio, television, online platform, and even at work and family gatherings. “I obey Víðir” became the motto everyone had to live by. The peak of the propaganda came when the distribution of the toxic injections began.

At that time, I led the COVID resistance, a small group that had taken the red pill, and I did everything in my power to warn Icelanders of the danger. We protested every weekend at Austurvöllur and tried to get into any media outlet that would have me. In November-December 2020, I went to several such interviews. All of them feel surreal today because of the lies told by my counterparts, who often didn’t know any better.

First, I faced a doctor in a debate on Harmageddon who spoke about the harmlessness of the vaccines and claimed that vaccine manufacturers would be reliable.

Next, I managed, with great difficulty, to get on Í bítið for the first time during COVID. They must have gotten scared, because shortly before the interview, they changed the format to a debate with Björn Ingi—the high priest of the “I obey Víðir [= in Fauci we trust]” virtue-signalers. My “dangerous” opinions couldn’t be aired unless someone could interrupt and distort the discussion. Björn was apparently invited to the studio, while I had to sit at home and do the interview over the phone with limited audio quality. The interview was carefully controlled by the hosts, and as it went on, both of them teamed up with Björn in their responses. The blue pills I was fed were many: the vaccines were thoroughly researched, stopped transmission, and would end COVID. Iceland excelled in pandemic measures, closing the country when infections were highest in Europe and destroying the tourism industry was a mild measure, the country wasn’t locked down… and so on. I corrected them but still everything was tightly controlled by the hosts until they let me have the last word. It was supposed to be 30 seconds but ended up being over three minutes [minute 20:40-23:49].

My Big Fat Red Pill:

Me: “The light at the end of the tunnel that Björn is promising is the vaccine. This is probably the most underdeveloped vaccine in world history. This is RNA technology that no one has tested before. Information is now emerging that one of the people in Pfizer’s vaccine trials died three days after getting the shot. If we extrapolate that to Iceland and assume the vaccine will be equally dangerous for Icelanders, it would mean 15 Icelanders would die from the vaccination alone. These wouldn’t be Icelanders with an average age of 88, which is the average age of those dying from COVID now, but a young Icelander.”

Gulli [interrupts]: “Jóhannes, wasn’t this the person who got the placebo?”

Me: “No, this was one of the people who got the drug, and he died three days later. More information is now coming out about the vaccine in the UK, and there was one person [Yeadon] who started warning about how dangerous this was, and he predicted three things. He predicted there would be some immune reactions due to PEG—something Pfizer didn’t warn about, and it happened as soon as…"

Heimir [interrupts]: “…and just to wrap up, we heard from Þórólfur this morning, and Þórólfur said that all our top experts were reviewing the data on this vaccine, and there was nothing in them suggesting it was dangerous. I also saw an interview on BBC with an expert from a medical school in New York state who said this was probably one of… or the vaccine that had been studied the most out of all of them so far, and there was nothing indicating it was dangerous. So clearly, people are not in agreement on this. There are divided opinions.”

Me: “Not the time constraint. The thing is, you have to wait some time to get results from this…”

Heimir: “…long-term effects, perhaps.”

Me: “Long-term effects, and not only that, but the plan—the vaccine research was so rushed that they weren’t necessarily doing the right tests. They didn’t quite know what measurements to take in the next steps, so the uncertainty is entirely different.”

“…and I just have to say this because it’s so important: There’s this person, a former executive at Pfizer [Yeadon]. He warned about four side effects: The first has already appeared, which was what happened in the UK [anaphylaxis due to PEG]. He also warned about these long-term effects. He also warned that the impact of Pfizer’s vaccine on women’s fertility hadn’t been studied and was excluded from the trials… and he demanded that the trials [and vaccine distribution] be stopped because the volunteers weren’t warned… and the fourth thing that could happen: People need to realize how dangerous this is. The fourth side effect of this vaccine is something called ADE [Antibody Dependent Enhancement], and this means that everyone who gets the vaccine could, at some point later, become sicker from COVID than if they hadn’t gotten it [the vaccine]…” [Heimir starts to interrupt, but I continue] “…this is the light at the end of the tunnel.”

[I was about to finish by saying that “the light Björn Ingi saw at the end of the tunnel was a train that would run over him and everyone following him,” but they completely cut me off there.]

Heimir: [interrupts] “…but these are all terms we don’t know, as we’re not specially trained, so we will, of course, try to get an expert who knows these terms to join us tomorrow morning and go over your words. And, and, and have everything on the table in this matter.” [damage control]

The Aftermath

The next day, the chief immunologist at the National Hospital and the main advocate for COVID vaccinations was called in for a softball interview to give listeners the blue pill again.

I wasn’t allowed back on Í bítið to respond to the doctor or debate him, but Harmageddon did have me back and gave me a good interview to go over the issues. That second interview is quite remarkable because it’s almost like a Nostradamus prediction—everything said there later came true (see the interview here).

Neither I nor anyone else who spoke against the toxic injections were allowed back on Í bítið until the entire nation had been vaccinated. Only blue pills were permitted in the vaccine discussion after that. They weren’t alone in this, as RÚV never spoke to us until we ran for parliament.

The most remarkable thing about this interview was how the radio show seemed to be editorially controlled to suppress all criticism of the authorities. When dangerous facts came up, they had to call in an expert to deliver blue pills the next morning. This probably captures the spirit of the times. Everyone was on the blue pill, and red pills threatened their worldview, so no one was allowed to know about them.

The Pfizer Documents (The Big Red Pill)

Next Tuesday, Naomi Wolf will give a lecture on the Pfizer documents, about 450,000 reports that Pfizer produced during the development of the vaccines and intended to keep secret from the public for the next 75 years but was forced to release. Coverage of this will be the subject of my next blog. I recommend everyone attend at Gamla Bíó at 7:00 PM on Tuesday, April 15. Tickets can be purchased here.

…as a sample of what will be discussed, it’s worth mentioning that at the same time I was in these interviews warning about the harm of COVID vaccines on women’s fertility, Pfizer’s scientists had already discovered that the vaccine caused such harm and were studying it. The evidence of harm to women was already there, yet it was decided to proceed with the injection campaign without informing the public.

 

Eldgosahætta á Reykjanestá og í Krísuvíkurkerfinu eykst

Eldsumbrotin á Reykjanesi eru ekkert á förum á næstunni og eftir síðustu umbrot er kvikuinnflæði í dag þrefalt hraðara en fyrir síðasta gos.  Mögulega hefur losun spennu við umbrotin valdið þessu.  Skammt kann því að vera í næstu umbrot.

En hvað ætli gerist svo í framhaldinu.  Ætli það gæti líka gosið annars staðar? Töluvert hefur verið rætt um mögulegt kvikuinnskot að Búrfellsgjá sem gæti vaknað.

Mig langaði að skoða þetta aðeins og hlóð því niður öllum jarðskjálftum frá 2020 á Reykjanesi. Þar sem mestur áhuginn fyrir framhaldið er hvert kvikan er að leita skoðaði ég eingöngu  skjálfta sem eru á 4 -25 km dýpi, sem er dýpi kvikuhólfa. 

Landrekið 

Fyrsta myndin hér sýnir sjálftan m.t.t. landreksins. Þessi mynd er mjög áhugaverð því hún sýnir stóru myndina af því hvernig skjálftarnir raða sér á landreks línuna.

 

Spennan

Til að fá enn betri hugmynd um hvað er í gangi skoðaði ég líka orkuna sem losnar úr skjálftum.  Þessi orka sýnir hina raunverulega krafta sem eru í gangi og hvar þeir hafa mest losnað.

Á þessari orkumynd sést að mest orka er að losna kringum eldgosaprungurnar  (Fagradalsfjall og Sundhnúkagíga). En athyglisvert er að sjá að við báða enda gosprunganna eru orkuþyrpingar í aðliggjandi eldstöðvakerfum.  Mjög miklir kraftar hafa verið að losna á Krísuvíkursvæðinu auk þess sem Reykjanestá og Eldvörp hafa verið með töluverða virkni.  

Þessu til viðbótar er vitað að töluverð hreyfing hefur orðið á landi  við gossprungurnar.  Þó að slík opnun gossprunga kunni að losa um spennu staðbundið, er þó í rauninni alltaf um einhverja færslu á spennu að ræða til nálægra sprungukerfa þar sem spenna eykst.

 

Aðdragandi Grindavíkurgosanna

Þegar aðdragandi Grindavíkurgosanna er skoðaður sést að lítið gerðist fyrr en í október 2023. Fjöldi skjálfta var á öllu svæðinu, en öll orkan var undir Svartsengi.

 

 

Aðdragandinn fyrir stækkun kvikuhólfs er þannig ekki langur.

 

Virknin 2025

Með þetta í augum er athyglisvert að skoða jarðskjálftavirknina 2025.  Fyrst með mynd sem sýnir staðsetningu skjálfta:

Hér sést greinilega hvernig virknin teygist í dag eftir endilangri Sundhnúkagígasprungunni og miðað við fyrri gos þá má alveg velta fyrir sér hvort að sprungan geti farið mikið lengra en þetta áður en virknin færist í næsta sprungukerfi/eldstöðvakerfi.

… og svo með orkumynd:

Á þessari orkudreifingamynd sést áberandi hvernig mikil orkulosun á sér stað í aðliggjandi eldstöðva-sprungukerfum á Reykjanesi og í Krísuvíkurkerfinu.  Þetta sýnir að þar getur líka brostið á eldgos nánast hvenær sem er. 

 

Eldgos á Reykjanestá og í Krísuvíkurkerfinu eru óumflýjanleg

Þegar jarðfræðikort ÍSOR af Reykjanesi er skoðað sést að í þremur síðustu eldgosatímabilum urðu gos í báðum þessum eldstöðvum.  Þótt auðveldlega geti liði einhverjir áratugir á milli, þá verður að telja líklegt vegna þess hversu virknin þar er mikil í dag að slíkt muni gerast fyrr en síðar.  

Báðar þessar gosstöðvar ógna mikilvægum mannvirkjum eða byggð.  Það er því alveg kominn tími á að undirbúa næstu hraunvarnir. Bæði á Reykjanesi og í Hafnarfirði. Undirbúningur slíks tekur tíma og því veitir ekki af því að byrja undirbúninginn strax.

 

Einkarekin Reykjavík leysir allt

Fyrir liðlegum sjö árum kynnti ég fyrst hugmyndir um göng í Reykjavík sem hefðu getað leyst allan vanda Reykjavíkur. Lóðavandann, húsnæðisvandann, umferðarvandann og dregið úr fátækt. Arðsemin af nýju landi sem yrði aðgengilegt með göngunum er það mikil að göngin hefðu verið ókeypis. 

Ef hlustað hefði verið á þessar hugmyndir þá, hefðu einhver göng þegar verið komin og fasteignaverð byrjað að lækka samhliða hraðri uppbyggingu háhýsabyggð i Viðey og rólegri einbýlishúsahverfum á Kjalarnesi, Geldingarnesi og víðar.  Ódýr húsnæði fyrir alla eins og tíðkaðist fyrir aldamótin yfirð aftur veruleiki og Sundabraut væri óþörf.

Því miður var ekki hægt að snúa vitleysislestinni.  Vegna Borgarlínublætisins hefur bara verið byggt á dýrstu svæðum síðan greinin var skrifuð og ekkert fær stöðvað hina vanhugsuðu Sundabraut og rándýra sæbrautarstokk. Engum skal koma á óvart að sett verði upp gjaldtökuhlið í ártúnsbrekku til að fjármagna þessa sóun vegafés.

 

…. Hér greinin sem birtist í mogganum 29. mars 2018.

=============================================

Einkarekin Reykjavík

Eftir Jóhannes Loftsson: "Leyfum einkaframtakinu að leysa húsnæðis- og samgönguvandann og byggjum Viðey."

Aðalvandamálið við þéttingu byggðar er plássleysið. Uppbygging verður flókin og dýr og innviðir yfirfyllast. Hið háa fasteignaverð sem þéttingunni fylgir eykur hins vegar tekjur borgarinnar, sem fyrir vikið hefur fjárhagslegan hag af því að nýta einokunaraðstöðu sína til að þvinga óeðlilega þéttingu byggðar.

Í samgöngumálum nýtir síðan ríkið einokunaraðstöðu sína til að rukka ökumenn um þrefalt meira fé en notað er í vegakerfið. Þar af fer megnið í lítið notaðar framkvæmdir á landsbyggðinni, sem borga sig aldrei upp. En meira að segja þó að fólk í borginni væri reiðubúið til að borga fyrir að komast hraðar milli staða, þá fær það það ekki, því það er enginn annar sem má mæta þörfinni.

En hvað er þá til ráða? Það greinilega bráðvantar samkeppni bæði í samgöngum og á húsnæðismarkaði. Lausnina gæti verið að finna í Hvalfirði, þar sem nú er að ljúka áhugaverðri tilraun sem tókst vonum framar. Hvalfjarðargöng voru einkaframkvæmd aðila sem höfðu mikinn hag af bættum samgöngum og fjármögnuðu framkvæmdina á eigin ábyrgð byggt á væntingum um tekjur af vegtollum. Niðurstaðan varð ein hagkvæmasta vegaframkvæmd Íslandssögunnar, sem gjörbreytti öllu Vesturlandi með því að færa það nær Reykjavík.

Í Reykjavík eru á margan hátt mun betri markaðslegar aðstæður fyrir slíkar einkaframkvæmdir því þar getur verðmætaaukning landsins ein sér oft auðveldlega fjármagnað alla framkvæmdina. En til að það skili sér þarf að byggja hverfin hratt. Slíkri hraðri uppbyggingu fylgir áhætta sem óæskilegt er að sveitarfélög taki á sig. Hægt væri að minnka þá áhættu með því að þróunarfélagið tæki sjálft yfir hluta af skuldbindingum borgarinnar, gegn niðurfellingu viðkomandi gjalda.

Uppbygging Viðeyjar er dæmi um verkefni sem gæti reynst afar hagkvæmt að fara í. Opnast mundi á víðáttumikið landsvæði á besta stað og hluti Sundabrautar yrði óþarfur án þess að skattgreiðendur þyrftu að borga krónu.

Viðeyjarbyggð

dag eru á Viðey 170 hektarar af verðlausu landi. Með landtengingu um göng frá Laugarnesi og uppbyggingu sem því fylgir mun þetta land verða gríðarverðmætt. Útgraftarefnið sem kæmi úr göngunum og uppbyggingunni á svæðinu væri síðan hægt að nýta til að stækka flatarmál eyjunnar um 10-20 hektara til viðbótar í grynningum við hana. Hér er um mikið landflæmi að ræða, sem til samanburðar er jafnstórt gömlu Reykjavík innan gömlu Hringbrautar, að Örfirisey og Tjörninni undanskilinni.

Ef þróunarfyrirtæki tæki fimm þúsund krónur á fermetra lands nægði það fyrir slíkum göngum auk vegtengingar yfir grynningar til Gufuness. Þetta er afar lágt verð miðað við gangverð lóða í dag.

Byggðin í Viðey er þar að auki mun nær miðbænum en flest þéttingarhverfi sem nú er verið að byggja. Það tekur t.d. ekki nema um fjórar mínútur að keyra alla leið að Hörpu, og því má segja að hér sé í raun um þéttingu byggðar að ræða. Munurinn er þó sá að Viðey er mjög opið og auðbyggjanlegt landsvæði, með mikla náttúrufegurð og laust við umferðarmengunina og skarkalann sem fylgir öðrum þéttingarsvæðum.

Einn kostur við að einkaaðili fjárfesti háar upphæðir í rándýrri vegtenginu eins og til Viðeyjar er að það setur pressu á hann að koma landinu í verð sem fyrst. Fyrir vikið hentar svæðið vel til að vinna hratt á núverandi húsnæðisvanda í samkeppni við önnur svæði. Annar meiriháttar kostur er síðan að með ódýrri landtengingu í Gufunes verður 1. áfangi Sundabrautar óþarfur, með tuga milljarða sparnaði fyrir skattgreiðendur.

Einkaframkvæmdir eru framtíðin

Þó að Viðey sé líklega langhagkvæmasta framkvæmd sem hægt er að ráðast í í Reykjavík gætu margar aðrar framkvæmdir í borginni einnig reynst mjög arðsamar. T.d. mætti byggja Kollafjarðargöng með því að framlengja Viðeyjargöngin alla leiðina til Brimness. Tenging við þjóðveg myndi styttast um 16,5 km og allt Kjalarnes, sem er helmingurinn af öllu landi Reykjavíkur, mun opnast fyrir uppbyggingu. Aðeins níu mínútna akstur um göng mun þá skilja hið nýja byggingarland frá restinni af Reykjavík, og því mun lóðaskortur í Reykjavík líklega heyra sögunni til fram á næstu öld. Einnig mætti tengja Þerney, Álfsnes, Geldinganes og Engey gegnum göng og byggja Skerjafjarðarbraut. Í öllum tilfellum er um afar vænlega fjárfestingarkosti að ræða, sem myndu ekki kosta skattgreiðendur krónu.

Húsnæðisokur og ónýtir vegir eru ekki náttúrulögmál og því löngu orðið tímabært að ríki og borg losi tökin og láti af einokun í vegagerð og á húsnæðismarkaði. Barátta Íslands gegn einokun hófst einmitt í Viðey, og því er vart hægt að hugsa sér betri stað til að byrja byltinguna.

Höfundur er formaður Frjálshyggjufélagsins.

Drukkinn sjómaður óskar eftir sparnaðarráðum. (Reykjavíkurborg)

1. apríl kallaði borgarstórnin eftir að íbúar og starfsmenn sendu sparnaðartillögur til borgarinnar. Eftir mestu fjármálaóstjórn í sögu borgarinnar sem hefur gert þetta stærsta og öflugasta sveitarfélag landsins nánast gjaldþrota, á almenningur að trúa því að þetta sama fólk sé ekki með aprílgabb og ætli sér allt í einu núna að byrja að spara.

En í anda samvinnu og skynsemissjónarmiða langar mig þó að koma með nokkrar tillögur:

1. Ekki kaupa 1000 strá á 1000 krónur stykkið.  Það er nóg af stráum á Íslandi.
2. Ekki breyta bragga í lúxusveitingahús.
3. Ekki byggja fleiri mathallir, sérstaklega ef þú nennir ekki að hanna þær sem slíkar áður en þú byrjar, því kostnaðurinn gæti aftur þrefaldast.
4. Ekki byggja rándýra sorpverksmiðju sem framleiðir örplastmengaðan jarðveg sem enginn vill
5. Þegar þú kostnaðarmetur rándýra sorpverksmiðju, er verra að gleyma að telja kostnaðinn af vélbúnaðinum með.  (1-2milljarða framúrkeyrsla)
6. Þegar þú kostnaðarmetur nýja skóla, þá er ekki gott að gleyma öllu inni í skólanum.  (1milljarður + framúrkeyrsa)
7. Pálmatré þrífast illa á Íslandi.
8. Ekki byggja fuglahús úti á miðri götu. (Hofsvallargata)
9. 10 milljarðar fyrir göngubrú er hár kostnaður.
10. Ekki byggja leikskóla sem kostar 25 milljónir á barn.
11. Ekki byggja leikskóla með torfþaki. Enn verra er svo ef þakið er ekki burðarþolshannað fyrir torfið.
12. Ef fyrirtæki eru rekin með bullandi tapi, þá er það ekki merki um að viðskiptahugmyndin sé góð.  Tíföldun útgjalda til strætó gegnum borgarlínu er ekki að fara að skila neinum neitt, nema fasteigabröskurum.
13. Það á ekki að fjármagna sveitarfélög með lántökum byggt á fasteignabraski Félagsbústaða.
14. Ekki fara í tilraunaverkefni við að dæla eiturgasi undir nágrannasveitarfélög.
15. Ekki fara í vindmillutilraunaverkefni á landi nágrannasveitarfélaga (Mosfellsheiði), virkjaðu frekar meiri jarðvarma.  Nóg er til.
16. Starfsmenn sveitarfélaga sem vilja spara eiga ekki að vinna styttri vinnutíma en almenningur á sömu launum.

... læt þetta nægja í bili,

 

Nær kvikuinnskotið undir “Hvassahraunsflugvöll”?

Í október síðastliðnum kom út sérfræðiskýrsla um nýjan flugvöll við Hvassahraun.  Í skýrslunni sagði að líkur á gosupptökum innan svæðisins væri hverfandi.  Niðurstaða skýrsluhöfunda var að þeir ættu að fá meira fé til að rannsaka flugvallarkostinn betur.  Það fylgdi þó ekki sögunni í upphafi að eldgosahættan byggði á mati frá því ÁÐUR en eldsumbrot hófust á Reykjanesi!!!

Í jarðhræringunum vegna 1. apríl eldgosins náði kvikuhlaupið Sundhnúkagíga-sprunguna norðar en nokkru sinni fyrr.  Eins sést að veruleg skjálftvirkni er einnig 3km austan við norður-hluta sprungunnar.    Þessi skjálftar eru mikið til á kvikuinnskotsdýpinu 4-5km.   Athygli vekur að þetta austara svæði liggur ekki nema um 500 metra frá fyrirhugaðri flugbraut og nyrðri endi Sundhnúkagígaskjálftanna eru ekki nema 3 km frá fyrirhugaðri flugbraut í Hvassahrauni.

Teiknað flugvallastæðið eins og það er kynnt í Rögnuskýrslu inna á jarðskjálftakortið á vafra í m.v. virkni síðustu 18 klukkustundir.

 

Gróf staðsetning hvassahraunsflugvallar m.v. eldsumbrotaskjálftana

 

Nákvæmari staðseting Hvassahraunsflugvalla m.v. eldsumbrotsskjálftana.(tekið af vafri.is)

 

Í samkomulaginu um Reykjavíkurflugvöll skrifuðu báðir aðilar upp á það að innanlandsflug yrði ávalt staðsett á höfuborgarsvæðinu.  Niðurstaða Rögnunefndarinnar var að mæla með Hvassahrauni, og tilkynnt var samtímis að flugvallarkostir væru fullkannaðir með þeirri skýrslu.  Eitt af skilyrðum samkomulagsins um Reykjavíkurflugvöll var einmitt að flugvallarkostirnir yrðu fullkannaðir sem varð því um leið ein forsenda fyrir að halda mætti áfram með lokun neyðarbrautarinnar.

Augljóst er að þessi forsenda er brostinn.  Það byggir enginn heilvita maður nýjann mörg hundruð milljarða flugvöll ofan á virku eldfjalli!

Tími Marshallaðstoðarinnar er liðinn.

Margt bendir til að tollastríð gæti skollið á milli Evrópusambandsins og Bandaríkjanna.  Ef ef svo færi gæti ESB farið mun verr út úr því en margur ætlar.

Þetta sést greinilega þegar viðskiptajafnvægi milli ESB og Bandaríkjanna er skoðað.  2024 fluttu Bandaríkin inn 40% meira en þau seldu til ESB, eða 200 milljörðum. Þetta segir ekki alla söguna því 20-30% af innflutningi ESB var gas til orkuframleiðslu og  innflutt framleiðsla frá Bandaríkjunum var hverfandi miðað sambærilegan útfluting ESB til Bandaríkjanna. ESB er nefnilega fyrst og fremst tollabandalag og tollar og alls konar reglugerðarinnflutningshindranir hafa ójafnað leikinn Bandaríkjunum í óhag. Leiðin fyrir bandarísk fyrirtæki að selja sína vöru í ESB felst þannig fyrst og fremst í að flytja verskmiðjuna til ESB.

 

Í tollastríði mundi þetta snúast við og evrópsku fyrirtækin yrðu að flytja framleiðslueiningar til Bandaríkjanna til að vera áfram á þeim markaði. Tollastríð sem mundi stöðva gasinnflutning frá Bandaríkjunum eru heldur ekki að fara gera Evrópubúum  neinn greiða.  Orkukrísan þar mundi bara dýpka.

Leiðin fyrir ESB til að komast hjá slíkum óförum felst þannig ekki í að standa í hótunum, heldur reyna að vinna með bandamönnum sínum og fella niður tolla og aðlaga flókið regluverk til að auðvelda viðskipti með bandaríska vöru svo viðskiptajafnvægi náist.

Frá því eftir seinni heimstyrjöld hafa Bandaríkjamenn einir borið meginþorrann af kostnaði við NATÓ. Ef bandaríkjamenn hefði borgað álíka hlutfall GDP of ESB lönd hefðu útgjöld þeirra verið um 500 milljörðum minni.  Alls eru þetta orðið því 700 milljarða ójafnvægi í útgjöldum.

Eftir seinni heimstyrjöldina studdu Bandaríkjamenn margar vinaþjóðir til að jafna sig eftir stríðið og hjálpa þeim úr fátækt, með svokallaðri Marshall aðstoð. En nú eru 80 ár liðin frá því stríðinu lauk og löngu orðið tímabært að slíkum gjafastuðningi sé hætt.

Íslensk yfirvöld ættu líka að huga að því að lækka innflutningstolla frá Bandaríkjunum.

Þriðja heimsstyrjöldin

Önnur heimsstyrjöldin vannst ekki bara á vígvellinum, heldur fyrst og fremst á verksmiðjugólfinu þegar yfirburði Bandaríkjanna í framleiðslugetu fóru að láta til sín taka. Þetta gleymist stundum í umræðunni.

En nú eru breyttir tímar.  Því þó að Bandaríkjamenn séu í dag kannski með öflugasta her í heimi, hefur valdajafnvægið í framleiðslugetunni umpólast.  Fyrir þrjátíu árum var hægt að fá allt gert í Bandaríkjunum en nú er það liðin tíð því með hnattvæðingunni fluttist megnið af framleiðslunni til Kína og þekkingin og verkvitið fór með.  Jú vissulega hefur hnattvæðingin gjörbreytt lífskjörum bæði í Bandaríkjunum og Kína, en þessi framleiðsluflótti hefur gert Bandaríkin berskjölduð fyrir nýjum ógnum.   Á sama tíma og þetta gerist er svo að eiga sér stað bylting í hernaðartækni og drónatækni að taka algjörlega yfir þ.a. gömlu vopnin eru smám saman að verða úrelt.  Í átökum sem gengju út á að framleiða sem flesta dróna, væru Kínverjar stórveldið en ekki Bandaríkin.

Fjórða iðnbyltingin

Þessi skortur á framleiðslugetu Bandaríkjanna hefur lengi verið Trump  hjartans mál að bæta úr og hann vill endurræsa framleiðsluhagkerfið.  Slíkt er þó borin von nema eitthvað nýtt komi til því hagkerfið myndi ekki þola dýrtíðina sem fylgdi því að öll framleiðsla kæmi heim aftur.

Þetta gæti þó verið að breytast.  Með tækniþróuninni sem Musk hefur staðið framarlega fyrir, gervigreind, eldflaugar, sjálfkeyrandi bíla og róbóta, gætu byrjað að skapast aðstæður fyrir að ræsa fjórðu iðnbyltinguna í Bandaríkjunum.  Gervigreindinni fleygir fram á ofurhraða og áður en langt um líður verður hægt að nýta hana til mun fleiri verka en menn geta ímyndað sér í dag.  Til þess að koma þessu af stað þarf hins vegar stórar fjárfestingar og stöðugt umhverfi sem ýtir undir slíka þróun. Flest sem Trump hefur gert til þessa virðist ýta undir að þetta sé stefnan.

En það eru ekki allir sem myndu hugnast slík þróun.  Stóru tapararnir ef Bandaríkin yrðu sjálfbær yrðu Kínverjar.  Þeir þyrftu að endurskipuleggja sitt viðskiptamódel frá grunni.

Heimurinn er á viðkvæmum stað

Þó Bandaríkin séu á slæmum stað, þá er Evrópusambandið í enn meiri skít. Evrópusambandið hefur ekki bara tapað framleiðslugeiranum sínum í hnattvæðingunni, heldur var orkusjálfstæðinu fórnað á altari gróðarhúsáhrifa-glópanna. Ekki bætur úr skák að til að hafa efni á sóuninni var sparað í varnarmálum.

Þetta þarf að hafa í huga þegar horft er til Úkraínudeilunnar.  Það er mikið áhyggjuefni að Pútin hafi ekki viljað vinna með friðar tillögum Trump, og enn verra væri ef þetta hliðarspor er gert með blessun Kínverja, því þá gætu þeir líka dregist inn í deiluna ef NATÓ jyki stuðning sinn við Úkraínu.

Mun meira gæti því legið undir því að dipómatísk lausn finnist á Úkraínudeilunni en margan órar fyrir.

Hverju öðru var logið að okkur?

Ein undarlegasta lygi covidtímans var lygin um að vírusinn hefði ekki komið af tilraunastofu. Nú eru sífellt fleiri upplýsingar að koma í ljós.

• Nýlega upplýstist að þýska leyniþjónustan hefði í greiningu sinni 2020 talið 80-90% líkur á að covid vírusinn hefði sloppið af tilraunastofu.
• Sama átti við um bresku leyniþjónustuna. Hún vissi 2020  (með 95% vissu) að covid hefði komið frá tilraunastofu.
• CIA viðurkenndi þessi tengsl loks opinberlega í janúar síðastliðnum.

Auðvitað vissu öll yfirvöld af þessu strax 2020. Aðal-kórónuvírus rannsóknarstofa heims var staðsett í Wuhan og var þekkt fyrir að fylgja ekki öryggisreglum. 2019 sótti rannsóknarstofan um rannsóknarstyrk til að gera kórónuvírusa meira smitandi og í vírusnum sjálfum sást að búið var að stökkbreyta furan-hluta broddpróteinsins, til að gera hann meira smitandi. Enginn sambærilegur vírus fannst í náttúrunni og sjúklingur 0, vann á rannsóknarstofunni.  

… þetta gat ekki verið meira augljóst. 

 

En í stað þess að segja satt frá, ákváðu bresk, þýsk og bandarísk yfirvöld að ljúga að öllum að covid hefði ekki komið af tilraunastofu og á samfélagsmiðlum hófst ritskoðunarherferð til að útiloka alla umræðu um tilraunastofuupprunann.  Á facebook, fékk öll slík umræða [logið] “facttékk” og þeir sem ræddu tilraunastofulekann á twitter var hent út af twitter samstundis.

Stóra spurningin sem vaknar er þess:

Ef yfirvöld gengu svona langt til að ljúga til um uppruna veirunnar, hverju öðru ætli þau séu að ljúga að okkur?

…það er til marks um undirlægjuhátt íslenskra yfirvalda að endurtaka erlendar lygar að á nýlegri ráðstefnu Svandísar í tilefni 5 ára afmælis fyrsta covid-smits á Íslandi ákváðu flestir fyrirlesarar að heiðra lygina með að vísa í að covid hefði komið af matarmarkaði (en ekki frá tilraunastofu). Hverju öðru ætli íslensk yfirvöld séu enn að ljúga að almenningi?

Siðferðisafstæðishyggjan

Hér er ein stutt dæmisaga:

Hvað ef íslensku Valkyrjurnar hefðu stað þess að gefa Úkraínu fé fyrir vopn, bara byggt sprengjuna sjálfar, skotið á Rússland og drepið 1200 Rússa. Pútin hefði svo svarað með að jafna Reykjavík við jörðu.

Væri Pútin þá vondur fyrir að virða ekki hlutfallsregluna og drepa bara 1200 eða myndi reiði almennings beinast að frumhlaupi Valkyrjanna?

En tökum dæmisöguna aðeins lengra.  Hvað ef Valkyrjurnar hefðu líka tekið 250 gísla í “varnarskyni” svo ekki yrði á okkur ráðist.  Hvað svo ef í ljós kæmi að Valkyrjurnar væru að svelta gíslana í hel.  Fullorðnir karlmenn væru orðnir léttari en 30 kg þegar þeim væri sleppt. Matarskorti væri ekki um kennt, heldur eingöngu sadisma fangelsisvarðanna.

Myndi einhver verða hissa ef Pútin héldi áfram árásum.

Hvað ef Valkyrjurnar settu í stjórnarskrá að Ísland viðurkenndi ekki tilvistarrétt Rússlands og vildi eyða Rússlandi.  Væru þeir sem töluðu fyrir tilvistarrétt slíks haturs friðarsinnar eða stríðssinnar.

 

Ég held að það myndi ekki finnast sá Íslendingur sem ekki myndi kenna Valkyrjunum um allar ófarirnar.

 

Þessa dæmisaga er tilbúningur, en ef skipt væri út orðunum "Valkyrjur" með "Hamas", "Ísland" með "Gasa" og "Rússland" með "Ísrael" yrði dæmisagan sönn.  

Eini munurinn yrði sá að þá yrði Rússum kennt um allt, en stríðsglöðu valkyrjurnar lofaðar sem frelsishetjur.

 

Það er margt skrýtið í heiminum í dag.

Hvað varð um allan fiskinn?

Líklega er leitandi er að atvinnugreinum sem hafa orðið jafn illa fyrir barðinu af á “meðaltals” útreikningum embættismanna og íslenskur sjávarútvegur. Nýleg tvöföldun veiðigjalds á einu ári byggt á “meðaltals”-afkomu sjávarútvegsfyrirtækja, er dæmi um slíka óstjórn. Af hverju gefa menn sér ekki lengri tíma fyrir hækkunina, svo fyrirtækin hafi svigrúm til að bregðast við. Stökkbreytingar eru aldrei góðar því fólk og fyrirtæki eru ekki meðaltöl. Þeir litlu munu alltaf tapa í slíkum æfingum.

Þetta er ekki í fyrsta sinn sem talnakúnstir hafa leikið sjávarútveginn grátt.

Stærsta slysið var kvótakerfið.

Það er löngu gleymd staðreynd í dag að áður en kvótakerfið kom var meðalafli af þorski við Ísland um 4-500 þúsund tonn. Nú er aflinn helmingi minni.  Treystið sérfræðingunum sögðu þeir þegar kerfið var sett á, og aflinn mun aukast. Hér sést niðurstaðan:

Í stað þess að aukast, minnkaði aflinn um helming.  Hvernig gat það gerst?

 

Hvernig myndi kvótakerfi í Laxveiðiá virka?

Ein leið til að skilja veikleika kvótakerfisins er að velta því upp hvernig nákvæmlega eins kvótakerfi og fiskveiðistjórnun myndi virka í laxveiðá sem rynni frá veiðivatni:

• Fyrsta breyting eftir að slíkt kvótakerfi yrði tekið upp í ánni væri sú að þeir sem væru með kvóta myndu allir byrja að veiða bara á besta veiðistaðnum.
• Smám saman myndi veiðieftirlit og stofnstærðarmat bara miða við fjölda fiska á þessum besta veiðistað, sem fljótlega myndi sýna merki ofveið, þ.a. minnka yrði kvótann.  
• Fiskveiðistjórnunar sérfræðingar færu síðan líka fljótlega að skipta sér af því hvaða fisk mætti veiða, og settu alls konar reglur til að minni og verðminni fiskurinn yrði ekki veiddur. (fyrir laxveiðiána yrði sett sú regla að sleppa yrði öllum minni fisk og aðeins mætti hirða stórlaxana.)  Við þetta minnkaði veiðin enn meira.  
• Netaveiðinn í vatninu legðist líka mjög fljótt af, því sá sem borgar fyrir dýrt laxveiðleyfi þarf að veiða verðmætasta fiskinn en ekki þann ódýrasta.

Hljómar þetta kunnuglega? 

 

Hvað varð um fiskinn?

Fyrir kvótasetninguna var netaveiði um þriðjungur alls afla, og veiði mun dreifðari.  Nú eru allir bátar stærri og öflugri, og veiða helst á bestu stöðunum.

Stóra spurningin sem Íslendingar þurfa að fara að spyrja sig er þessi.  Hvað varð um allan fiskinn? 

Fór fiskurinn burtu eða vorum það við sem fórum burtu?

Hvað ætli mætti veiða mikið meira ef veitt væri á öllum veiðisvæðum?