Ólöglegt öryggi

Nagladekk mega bjarga þér í nóvember, desember, janúar, febrúar, mars og í byrjun apríl.  En þegar komið er fram yfir miðjan apríl og maí, sept og okt þá ertu orðinn lögbrjótur ef þvi vilt nota þennan öryggisbúnað.  Allt eru þetta mánuðir skyndihreta þar sem slysahættur eru út um allt.

 

Finnst ykkur ekki merkilegt að enginn hafi nokkru sinni dottið í hug að meta hver fórnarkostnaðurinn er af því að fjarlægja nagladekkin meðan margir þurfa enn að nota þau.  Engin tölfræði til um tjón og slys í hretum eftir að bannið byrjar.  Engin tölfræði um dekkjabúnað bíla sem lenda í árekstri.  Engin tölfræði um hve margir skaðast.

 

Væri ekki ráð að skoða þetta betur?

Athugasemdir

[Emil Þór Emilsson, 9.5.2025 kl. 22:34]

Ég er á þeirri skoðun að þetta skipti meira máli fyrir þá sem þurfa að ferðast utan höfuðborgarsvæðisins eða fara heiðar. 

Persónulega hef ég keyrt á heilsárs/ónelgdum vetrardekkjum og hef haft ágæta reynslu af því, en á sama tíma er ég bara á höfuðborgarsvæðinu.

[Jóhannes Loftsson, 9.5.2025 kl. 22:49]

Já má, en slysin gera samt ekki boð á undan sér. Man fyrir nokkrum árum þegar nokkrir bílar á sumardekkjum fóru útaf á sama svellinu í þrengslunum í lok maí.  Þetta er tölfræði sem þyrfti að skoða ef menn eru að beita svona bönnum.

[Daníel Sigurðsson, 10.5.2025 kl. 13:03]

Þegar rætt er um að nagladekk fækki dauðsföllum og slysum þá gleymist iðulega að nefna hinn mikla heilsuskaðvald sem nagladekkin valda í formi svifryks. Sem í versta fallli birtist í lungnakarbbameini.  Stðafest hefur verið að lugnakrabbamein er hlutfallslefa mun algengara á höfuðborgarsvæðinu en í öðrum landshlutum.

Svo ekki sé minnst á kosnaðinn við árlega endurnýjun á slitlaginu, eftir tjónið sem þessi dekk valda, þá myndast iðulega margra kílómetra löng plógför á götum og vegum sem fyllast af vatni sem er áavísun á svonefnda vatnaplanning (aquaplaning). Slíkt veldur oft  útafkeyrslum sem enda í versta falli með banaslysum.

Íslendingar ættu að taka Þjóðverja sér til fyrirmyndar í þessum efnum.

Það er ekki nóg meða að þar í landi er notkun nagladekkja alfarið bönnuð heldur banna þeir alfarið að salta götur.

Vetrarveðráttan þar er ekki ósvipuð og hér, sem ég þekki af eigin raun þar sem ég bjó Þýskalandi í mörg ár.  Hálka á götum og vegum myndast ekkert síður þar en hér og fannfergi í vissum landshlutm þar er oft mun meira en hér á Fróni.   Þar aka menn að öllu jöfnu að vetrarlagi á alvöru snjódekkjum, en ekki heilsársdekkjum eins og allt of algengt er hér á landi. 

Bílaklubbarinir þýsku standa staum af árlegum umfangsmiklum pófunum á vetrardekkjum þar sem niðurstöðunum er raðað eftir gæðum dekkjanna og gerð aðgengileg almenningi.

Með banni á notkun nagladekkja er auk þess úr sögunni það ólán að þeir sem velja nagladekkin verða að bíða með að setja þau undir bílinn fyrir ákveðna dagsetningu að hausti (í nóvember) í stað þess að leggja sumardekkjunum mun fyrr ef veðráttan kallar á slíkt.

Hún er athyglisverð niðurstaða norskrar rannsóknar tryggingafélaga þar í landi, fyrir allmörgum árum , sem sýndi að þeir sem óku á nagladekkjum ollu hlutfallslega mun fleiri slysum heldur en þeir sem voru á naglalausum dekkjum.   Þessi niðurstaða var túlkuð sem svo að nagladekk sköpuðu falska öryggiskennd.

 

[Daníel Sigurðsson, 10.5.2025 kl. 14:34]

Því má svo einnig bæta við að með banni á notkun nagladekkja geta menn beðið með að skipta út naglalausum snjódekkjunum fyrir sumardekk að vori eins lengi og þeir vilja eða þar til tíðarfarið er orðið sumardekkjunum hagstæðara að þeirra mati en ella.