Þegar stórar lygar deyja

Það er dálítið merkilegt hvernig sannleikurinn er einstefnugata.  Þeir sem loks uppgötva sannleikann munu aldrei trúa lyginni aftur. 

Eftir tímabil harðræðis, ritskoðunar og jafnvel útskúfunar á þeim sem sögðu satt til að verja stórar lygar eru nú loks að leysast úr læðingi kraftar málfrelsis sem hafa sögu að segja sem mun breyta heimsmynd og lífi allra þeirra sem festust í lygavef stóru lyganna.  Heimurinn mun aldrei verða samur aftur og fólk mun aldrei aftur treysta fjölmiðlum til að segja satt.  

 

Byltingin er byrjuð. Hún byrjaði í Bandaríkjunum.  Nú hafa bandarísk yfirvöld gefið út skýrslu og birt á heimasíðu Hvíta Hússins sem hrekur endanlega fyrstu stóru lygina.  Covid 19 var búið til á tilraunastofu!

https://www.whitehouse.gov/lab-leak-true-origins-of-covid-19/

Hér eru nokkrir punktar sem þar koma fram.  (sjá nánar á linknum)

• Vírusinn er með eiginleika sem ekki finnast í náttúrunni.
• Gögn sýna að öll COVID-19 tilfelli eiga uppruna sinn í einu stöku smiti. Slíkt hefur aldrei gerst áður fyrir faraldra..
• Wuhan í Kína þar sem faraldurinn hófst hýsir fremstu SARS rannsóknarstofu Kína, sem er þekkt fyrir að framkvæma hættulegar genabreytingar á veirum við ófullnægjandi öryggi gagnvart því að hindra smit.
• Vísindamenn við Wuhan Veirufræðistofnunina (WIV) veiktust og fengu COVID-lík einkenni haustið 2019, mánuðum áður en COVID-19 uppgötvaðist á matarmarkaðinum.

 

Eins kemur fram að…

• 2 metra reglan sem notuð var byggði ekki á vísindum.
• Engar sannanir eru fyrir því að grímur hafi verndað fólk.
• Lokanir og margar sóttvarnaraðgerðir ullu ómælanlegum skaða fyrir fjárhag, heilsu og geðheilsu fólks og reyndist sérstaklega skaðlegt yngra fólki. 
• Embættismenn heilbrigðiskerfisins blekktu  almenning vísvitandi.  Grófast var þegar yfirvöld réðust gegn öðrum [skaðlausum] meðferðum og málflutningi eins og tilraunastofuleka-kenningunni.  Þegar þetta mistókst fór ríkisstjórn biden í mjög öfgafulla ritskoðunarherferð í samstarfi við stærstu samfélagsmiðla fyrirtækin.

Vá…. Þetta eru ekkert smáræðisyfirlýsingar, og margri lygaranna eru beinlínis nafngreindir.  Bandaríska þjóðin er að vakna, fyrst þjóða.

 

Í nýlegri könnun bandarískra kjósenda sem unnin var af Rasmussen kom í ljós að tveir þriðju (68%) töldu að covid hefði komið frá tilraunastofu og aðeins 20% trúðu því ekki.

 

Enn fremur kom í ljós að um helmingur Bandaríkjamanna trúir því að vírusnum hafi verið sleppt viljandi!  

 

Þetta er svakaleg umpólun.

 

Hér á Íslandi hafa íslensk heilbrigðisyfirvöld grafið sig í skotgrafir lyganna.  Efnt var til Heyrekkert-sjáekkert-segjaekkert ráðstefnu í tilefni 5 ára afmælis fyrsta Covidsmits á Íslandi þar sem embættismenn komu upp hver á fætur öðrum, hreyktu sér af aðgerðunum og afneituðu tilraunastofuleka kenningunni.  Grímuskyldan en enn í hávegi höfð í Landsspítalanum þótt vitað sé að þær virki ekki neitt.  Enn eru skaðlausum meðferðum aðeins leyfðar á 3-400 földu verði m.v. í Indlandi.

 

Þessi falsheimur afneitaranna á þó eftir að hrynja áður en langt um líður, því þróuninni í Bandaríkjunum verður ekki snúið við.  Sannleikurinn er einstefnugata.

Athugasemdir

[Ásgeir Rúnar Helgason, 22.4.2025 kl. 21:52]

Í hinu stóra samhengi hlutana: Hvaða máli skiptir það?

[Ingólfur Sigurðsson, 22.4.2025 kl. 22:24]

Þetta skiptir ÖLLU máli Ásgeir Rúnar. Þeir sem spyrja sem svo hvaða máli það skiptir þegar Helför nr. 2 er gerð opinber virðast standa með glæpahyskinu. Oft hef ég lesið í DV athugasemdir þar sem hægrimenn gagnrýna Elítuna, Georg Soros, Bill Gates að vinstrimenn spyrja:"Hvaða máli skiptir það í stóra samhenginu?".

Þetta samhengi er mjög stórt. Þetta breytir heimsmynd okkar tíma gjörsamlega í raun.

Alþjóðastofnanir standa og falla með þessu valdi sem böðlaðist svona gegn almenningi, drap fólk!!!

Þetta er svo stórt samhengi, að þetta breytir öllu.

Meðlimir stærstu stjórnmálaflokkanna í næstum öllum heiminum eru sekir, rétt eins og þeir hefðu verið nazistar eða álíka. Yfirvöldin tóku þátt í þessu. Yfirvöldin.

Sjokkið skilur marga eftir í þessari stöðu, að afneita þessu öllu og spyrja hvort þetta skipti nokkru máli í stóra samhenginu. Má ekki bjóða böðlunum að halda þessu áfram?

Þetta var kallað samsæriskenning. Það er enn gert grín að álhöttum svokölluðum, samsærisnördum, rasistum, hægriöfgabullum... osfv. 

Þegar samsæriskenning er veruleikinn og sannleikurinn, þá verður almenningur að viðurkenna ósigur sinn.

Af þessu má læra ótalmargt. Til dæmis að hætta að beita einstaklinga í minnihluta ofbeldi háðs og þöggunar, leggja í einelti, með slaufun eða þannig aðferðum.

Síðan eru yfirvöldin skaðabótaskyld heldur betur, eftirlifendur þeirra sem dóu vegna þessa, langtímaveikir af Covid-19... veiklað ónæmiskerfi.

Ég trúi því ennfremur að 5G netkerfið veikli ónæmiskerfi fólks. Um það mátti lesa á vefsíðum 2020 sem margar og kannski flestar hafa nú verið teknar niður í nafni upplýsingaóreiðu.

Þegar sannleikurinn er kallaður upplýsingaóreiða, þá má mjög efast um hvað er í gangi.

Það er staðreynd að það er Elíta sem vélar um líf og heilsu fólks, sem lætur eins og venjulegt fólk sé peð sem skipti engu máli í "stóra samhenginu".

Langflestir nazistar Þriðja Ríkisins gengu inní venjuleg störf í Þýzkalandi. Fáeinir hlutu dóm. Þeir afneituðu eiginleika allir og gerðu lítið úr öllu saman. Þannig er mannseðlið.

Eiginlega allir bentu á Hitler og að þeir hefðu bara verið að hlýða skipunum. Það var ekki svo einfalt. Um það bil allir voru sammála, meirihluti þjóðarinnar.

Þannig er þetta með Covid-19. Fólk vill skrumskæla sannleikann til að komast hjá umpólun og lærdómi, þroska, til að komast hjá að spillingin verði upprætt.

Guði sé lof að Trump var kosinn forseti. Nógu stór hluti af almenningi er farinn að vakna.