Glæpur aldarinnar: Villta vestrið

Sífellt fleiri eru nú farnir að átta sig á að covid kom frá tilraunastofu.  Nú síðast CIA.

En hvað þýðir það?  Hvað gekk mönnum til?  Eigum við kannski von á fleiri slíkum óværum aftur á næstu árum?

Stutta svarið er Já. 

 

Um þetta fjallaði ég í Morgunblaðinu 7. júlí 2023

==========================

Glæpur aldarinnar: Villta vestrið

Verið er að þróa næsta faraldur á tilraunastofu.

Í grein 29. júní sl. rakti grein­ar­höf­und­ur hvernig banda­rísk yf­ir­völd komu bæði að þróun kór­ónu­veirunn­ar og bólu­efn­is­ins löngu áður en kór­ónufar­ald­ur­inn braust út. En af hverju voru þau að þessu hættu­spili?

Aðdragandann má rekja til vopnakapphlaups kalda stríðsins þegar kórónuveiran var fyrst einangruð sem mögulegur sýkill í menn 1965. Tveimur árum síðar var byrjað að smita fólk og síðar voru gerðar prófanir á svínum og hundum til að fá meiri stökkbreytingar. 1990 voru kórónuveirusmit í hundum og svínum orðin það mikið vandamál að Pfizer þróaði fyrsta broddpróteinbóluefni gegn kórónuveirum. Þá kom í ljós að bóluefnin virkuðu ekki því veiran stökkbreytti sér of hratt.

2002 sótti bandarískur háskóli um einkaleyfi fyrir smitandi kórónuveiru sem þróuð var fyrir styrk frá bandarískum yfirvöldum. Ári síðar braust SARS-faraldurinn út þar sem yfir 8.000 smituðust og 774 dóu. CDC fékk í framhaldinu einkaleyfi fyrir genaröð SARS-veirunnar. 2016 sótti Moderna um einkaleyfi fyrir mikilvægum búti úr genaröð kóvid19-veirunnar og árið 2019 var eftirfarandi texta bætt við einkaleyfisumsókn Moderna fyrir covid19-bóluefninu: „Because of a concern for reemergence or a deliberate release of the SARS coronavirus, vaccine development was initiated.“ Kóvid19-bóluefni Moderna var þannig hannað fyrir tilraunastofuleka áður en lekinn varð.

Í október 2019 héldu World Economic Forum, Bill and Melinda Gates Foundation og John Hopkins-háskóli æfingarráðstefnuna Event 201 með þátttöku Alþjóðaheilbrigðismálastofnunarinnar, CIA og Sóttvarnarstofnunar Kína auk fleiri þar sem þjálfuð voru viðbrögð við heimsfaraldri. Niðurstaðan var að lögð voru á ráðin um lokanir, landamæraaðgerðir, ritskoðun samfélagsmiðla, viðbrögð bankakerfisins, veðmál á bóluefnaleiðina og prófanir. Allt aðgerðir sem festu í sessi viðskiptamódel sem hægt væri að græða á ef til faraldurs kæmi.

Tveimur mánuðum síðar hófst kófið.

Veirutilraunirnar héldu samt áfram. Þegar ómíkron-afbrigðið birtist í nóvember 2021 var það gjörólíkt öllum öðrum afbrigðum, nema einu afbrigði sem þróað á tilraunastofu skv. vísindagrein sem kom út tveimur mánuðum fyrr. Ómíkron var því líklega líka tilraunastofuleki.

Í október 2022 tókst rannsóknarteymi í Boston-háskóla að splæsa saman ómíkron- og wuhan-afbrigðin. Til varð nýtt afbrigði sem drap 80% tilraunadýra og var fimm sinnum meira smitandi en ómíkron.

Í fyrirsátarviðtali Project Veritas í janúar 2023 viðurkennir yfirmaður rannsóknardeildar hjá Pfizer að í skoðun sé að gera SARS-CoV-2 skaðlegri og að það geti verið góð tekjulind að þróa nýja veiru samhliða bóluefni, því þá sé bóluefnið tilbúið þegar veirunni yrði sleppt.

Ljóst er að veiruþróunargullæðið er fyrir löngu orðið stjórnlaust og aðeins tímaspursmál hvenær næsta tilbúna veira „sleppur“. Þetta siðlausa ábyrgðarleysi hefur þrifist fyrir augunum á Alþjóðaheilbrigðismálastofnuninni sem gerði ekkert til að stöðva það. Stofnun sem varð að gríðarlegri valdastofnun í kórónuveirufaraldrinum en var stýrt með Event 201. Í haust stendur til að Ísland framselji yfirstjórn í heilbrigðismála til þessarar sömu Alþjóðaheilbrigðismálastofnunar. Þetta má alls ekki gerast því þá verða ákvarðanir Íslands í næsta faraldri ekki teknar út frá hagsmunum Íslendinga heldur út frá hagnaðarhagsmunum hagsmunaaðilanna sem stýra Alþjóðaheilbrigðismálastofnuninni.

Næst verður fjallað um hvernig lyfjafyrirtækjunum tókst að græða 30.000 milljarða á faraldrinum.

Athugasemdir

[Trausti (IP-tala skráð) 19.2.2025 kl. 13:03]

Sæll Jóhannes,

Þar sem við erum á sömu blaðsíðu frá degi 1. Þá langar mig til að slaufa framhjá því sem er hér að ofan enda allt rétt og klárt. Bill Gates sagði í viðtali að næsta pandamic yrði verri en fyrsti.. Miðað við það sem maður sér erlendis og líka frá okkar frábærum (msm)(keyptum) íslenskum miðlum þá virðist agendaði vera að ýta Birdflue vírusnum á næsta stig. Við sjáum fréttir að gæsir dánar, kettir sýktir, kettlingur dáin úr Birdflue og allt notað með PCR tækninni líklega á 40 snúningum sem segir nákvæmlega ekkert og allt þökk sé fyrir sorglega ófagmannalegum háttum MAST og annarra vísindamanna í Íslandi sem vert er að rannsaka betur. En telur þú að Globalistum, Deep State telji að núna sé góður tími til að ýta öðrum faraldri á stað með Trump og Kennedy í brúnni? 

[Auður Hermannsdóttir (IP-tala skráð) 19.2.2025 kl. 16:52]

Kærar þakkir fyrir fróðlega og athyglisverða grein. 

[Trausti (IP-tala skráð) 19.2.2025 kl. 19:55]

Ef RÚV hefði gert skyldu sína og birt okkur upplýsingar um Event201 sem sagði okkur í smáatriðum hvað þeir ætluðu að gera, þá væri ekki ca 80-90% af þjóðinni genabreytt! Þeir sem tóku þátt í þessum gjörningi verða ekki sóttr til saka á þessari lífstíð en ég geri þær væntingar að þau þurfi að svara fyrir almættinu. 

[Jóhannes Loftsson, 19.2.2025 kl. 22:27]

Efa að það fari faraldur viljandi af stað núna. Með Kennedy við völd þá myndu flestir faraldrar vera skaðlausir.  Faraldur eins og covid hefði orðið alveg skaðlaus ef notaðar hefðu orðið algjörlega skaðlaus meðferðarúrræði eins og D vítamín, ivermectinn, HCQ o.fl. í stað remdesivir-eiturs og gena-bóluefnanna og lock-down aðgerðanna.