Þegar þú ert búinn að koma þér í holu.  Hættu að grafa.  Það er löngu orðið tímabært að íslensk heilbrigðisyfirvöld fari að fylgja þessu mottói og byrji að vara almenning við aðsteðjandi hættu í stað þess að halda áfram að gaslýsa almenning.

Í tilefni kynningar baráttukonurnar Naomi Wolf ár niðurstöðu rýni 3250 sérfræðinga á Pfizer skjölunum og kynningu hennar á bókinni í gamla bíó nú 15. apríl (sjá hér) langar mig að rifja upp þessar tæplega ársgömlu grein þar sem sá skaði sem bólusetningin hefur þegar valdið íslendingum var metin út frá gögnum Hagstofunnar. Það sem skelfir mann mest er hversu illa þetta lítur út og að það fer versnandi.  

Stóra spurningin sem maður veltir fyrir sér er hversu lengi ætli íslensk heilbrigðisyfirvöld haldi út að reyna að þagga niður aðsteðjandi hættu. Nú með tilkomu Kennedys í æðstu stöðu heilbrigðismála er þetta allt að fara að breytast.  Mörg ríki bandaríkjanna eru að fara í stór kærumál gegn lyfjafyrirtækjunum, og margar fyrirmyndir íslenskra yfirvalda gætu endað í fangelsi áður en langt um líður.  Búið er að stöðva bólusetningarnar víða, og brátt verður ekki aftur snúið, vatnaskil er að að verða og allt er að koma upp á yfirborðið.  

Ráðstefnan í Gamla bíói er byrjunin.  Hvað vissu bóluefnafyrirtækin áður en allir voru sprautaðir.  Margt sem þar kemur fram í þeirra eigin mælingum er vægast sagt óhugnarleg og skandall að saklausum almenningi hafi verið gefið þetta eitur.

 

Hér er greinin úr mogganum sem birtist 12. júlí 2024.

===================================

Glæpur aldarinnar: Hamfarirnar

 

Hversu margir þurfa að falla frá áður en þjóðin áttar sig á að eitthvað er að?

Þessi grein er framhald af samnefndum Morgunblaðsgreinum, „glæpur aldarinnar“, um kófið. Nú verður fjallað um afleiðingarnar.

Ef læra hefði átt eina lexíu af hruninu væri það að vandamál hverfa ekki af sjálfu sér. Raunveruleikinn er óumflýjanlegur og fólk þarf að vera vakandi þegar aðvörunarbjöllur fara að klingja. Þegar veruleikinn er kominn í mótsögn við málatilbúnað yfirvalda þurfa allir að spyrja gagnrýninna spurninga.

Dánir

Hagstofan hefur nú frestað birtingu á dánartölfræði 2023 fram á haustið. Frestunin er bagaleg því aldrei hefur verið jafn áríðandi að nýjar upplýsingar séu aðgengilegar. Síðasta gagnabirting sem náði yfir fyrstu 36 vikur 2023 eru því bestu aðgengilegu gögn. Þessi gögn eru þó í stórkostlegri mótsögn við meintan glæstan árangur yfirvalda í kófinu.

 

Mynd 1: Breyting andláta mismunandi aldurshópa miðað við 2017-2019, hlutfallsleg og (fjöldi). Gögn um andvana fædda nær bara til 2022.

 

Árið 2020 fjölgaði sjálfsskaða- og lyfjamisnotkunarandlátum umtalsvert sem skýrir mikla aukningu í umframdauðsföllum yngri hópa fyrsta haftaár kófsins.

Árið 2021 þegar covid-bólusetningarátak óléttra kvenna hófst fjölgaði andvana fæðingum og ungbarnadauða um 117% (18 börn umfram meðaltal 2017-19) og ári síðar fækkaði fæðingum um 488 frá fyrra ári og hefur síðan farið lækkandi. Í yfirstandandi kærumáli Kansas-ríkis gegn Pfizer vegna sprautanna var bent á að strax í febrúar 2021 vissi Pfizer að meirihluti þeirra 458 óléttu kvenna í bólusetningarhópi klínísku tilraunarinnar hafði tilkynnt aukaverkanir og 10% misst fóstur.1] Stuttu síðar sýndu dýraprófanir Pfizer að tíðni fósturmissa músa tvöfaldaðist við bólusetningu. Af þessu hefðu margar konur án efa viljað vita áður en þær þáðu eitrið.

Árið 2022 varð 19% fjölgun andláta umfram það sem var fyrir covid (2017-2019), aðallega eldra (nýbólusett) fólk.

Fyrstu 36 vikur 2023 urðu 12% fleiri andlát en 2017-2019, þar af jukust andlát yngra fólks um 42% eða sem myndi samsvara 78 viðbótarandlátum á ári hjá yngri en 55 ára. Þegar umframandlátin eru umreiknuð í töpuð lífár (Lost Life Years = LLY) kemur enn verri mynd í ljós og 2023 verður líklega verra en hamfaraárið 2022.

 

Mynd 2: Heildartala látinna og töpuð lífár m.v. GBD 2010 lífárstöflu. Heimild: Hagstofan.

Í gögnum Eurostat sést að þróunin heldur áfram því 2024 fer hörmulega af stað.

Hverjar ætli líkurnar séu á að tvö verstu hamfaraár Íslands í seinni tíð verði fyrir tilviljun hvert á eftir öðru? Hvað ef árin verða þrjú eða fleiri? Hversu mörg hamfaraár þarf til að vekja íslenska þjóð?

Hrunið

Á vinnumarkaðnum eru veikindafjarvistir komnar í hæstu hæðir, útborganir veikindadagpeninga hafa tvöfaldast og spítalainnlögnum fjölgað. Varað var við þessari ónæmisbælingu en bóluefnin voru samt undanþegin rannsóknum. Önnur afleiðing sést í aukningu sem nú er farin að sjást á tíðni flestra tegunda krabbameins.

Faraldur blóðrásarsjúkdóma er líka skollinn á. 80% aukning varð á heilablóðfalli, tíðni hjartaáfalla og blóðtappa er rokin upp og margir hafa þjáðst af orkuleysi í kjölfar bólusetninga (long vax = long covid). Rannsóknir sýna að hjartasjúklingar tvöfalda áhættu á hjartaáfalli og að 3% líkur eru á að fá hjartavöðvabólgu eftir bólusetningu.

Ýmsir tauga- og sjálfsofnæmissjúkdómar eru orðnir tíðari og vísbendingar eru um að covid-bóluefnin geti valdið prion-sjúkdómi. Sjúkdómurinn hefur margra ára meðgöngu en þegar einkenni koma fram á sjúklingurinn stutt ólifað. Þetta hljómar ótrúlega, en þá gleymist að covid var búið til á tilraunastofu. Vísindamenn sem voru að greina ónáttúrulega genaröð vírusins fundu prion-svæði í gaddaprótíninu sem bóluefnin láta líkamann framleiða.

Gróft mat höfundar er að um 20% bólusettra hafi fengið einhver slík eftirköst.

Afneitunin

Fyrir þremur árum var stjórnmálaflokkurinn Ábyrg framtíð stofnaður til að vara við hættunni og láta gera raunverulega rannsókn á skaða covid-bóluefnanna. Við óttuðumst að meðvirkni yfirvalda og allra stjórnmálaflokka leiddi til afneitunar á skaðanum og að allar rannsóknir yrðu hvítþvottur. Því miður raungerðist þetta og heilbrigðisyfirvöld eru það samdauna afneituninni að þau eru farin að trúa eigin blekkingum. En vandamál hverfa ekki við að stinga hausnum í sandinn og fyrir vikið er heilbrigðiskerfið algjörlega ófært um að takast á núverandi áskoranir. Bóluefnaskaðaðir sjúklingar eru því í dag á vergangi milli „sérfræðinga“ og sumir fá ekki greiningu fyrr en um seinan. Þekkt meðferðarúrræði eins og Ivermectin eru seld á 200-földu verði og aðgengi að sérfræðingum í meðhöndlun bóluefnaskaða og long covid er ekkert. Þótt 6.197 aukaverkanatilkynningar hafi verið komnar fram 2022 hefur enn aðeins einn einstaklingur fengið greiddar bætur vegna bóluefnaskaða. Fyrir vikið hafa bóluefnaskaðaðir þurft að stofna samtök til að leita réttar síns gegn kerfi sem er enn er í afneitun til að forðast ábyrgð.

Er ekki kominn tími til að þessu linni og öll lækning verði leyfð svo fleiri geti hreinsað út eitrið? Til að svo verði þarf íslensk þjóð að fara að vakna.

Höfundur er stofnandi Ábyrgrar framtíðar.

 

Rauðu pillurnar frá Pfizer

Í síðasta bloggi rifjaði ég upp covid-matrixtímann þegar þjóðin var á bláu pillunni. Gríðarlegt átak þurfti til að fá hvern nýjan til að prófa rauðu pillun a, því allt sem ekki kom frá “þríeykinu” var skilgreint sem falsfréttir.

… einum aðila var þó treyst:  Pfizer sjálfum.

Þegar farið var fram á að rannsóknir pfizer á bóluefnunum yrðu birtar, kom hins vegar babb í  bátinn.  FDA (Lyfjastofnun Bandaríkjanna) vildi halda skjölunum leynilegum í 75 ár.  Það þurfti kæru vegna upplysingalaga til, til að þvinga FDA að afhenda gögnin: 450 þúsund skjöl með rannsóknum Pfizer.  Nú hafa 3250 vísindamenn rýnt þessi gögn og birt helstu niðurstöður í nýútgefinni bók “The Pfizer papers” og höfundur bókarinnar Naomi Wolf er að koma til Íslands og verður með kynningu í Gamla bíói nú á þriðjudaginn  (hægt er að fá miða hér).

Stærsta rauða pillan er kanínuhola

Þessi gögn eru stærsta Rauða pilla covidtímans og meira að segja hörðustu bólusetningasinnar sem vildu bólusetja allt sem hreyfðist gætu ekki útskýrt af hverju Pfizer sjálfir væru í krítísera eigin bóluefni. Það eina sem kæmi í veg fyrir að fólk endurskoðaði afstöðu sína væri að það vissi ekkii af þessum rannsóknum.  Þetta virðist þó því miður vera afstaða íslenskra fjölmiðla sem enn hafa ekkert fjallað um þessar nýju upplýsingar.  Með að dreifa falsupplýsingum þríeykisins leiddu fjölmiðlar okkur inn í núverandi heilsufarskrísu og virðst nú því miður enn halda áfram á sömu braut þótt þríeykið sé löngu horfið á braut.  En kannski sannleikurinn hræði. Það er ekki nema von því margt sem kemur fram í Pfizer skjölunum er svo óhugnarlegt að fæstir þora að hugsa þá hugsun til enda.

Ófrjósemin

Til marks um það má nefna að þegar ég var í desember 2020 að reyna að vara Íslendinga við að eftir ætti að skoða áhrif bóluefnisins á frjósemi kvenna, þá hafði ég rangt fyrir mér.  Jú vissulega var rétt að frjósemismælingar höfðu verið undanskyldar, og öllum þátttakendum fasa 3 bóluefnaprófananna var fyrirlagt að nota öruggar getnaðarvarnir meðan á prófinu stóð.  En það sem ég vissi ekki var að sumir fylgdu ekki þessari reglu og 270 konur urðu þungaðar og Pfizer var byrjað að skoða og finna skaðan sem bóluefnið olli konum.  Rauði þráðurinn í Pfizer skjölunum sýnir ofuráherslu á rannsóknir á frjósemi kvenna og þungun.  Niðurstaðan úr þeim rannsóknum var skelfileg: 

• Nanóagnir bóluefnisins söfnuðust í háum styrk fyrir í eggjastokkum kvenna (sem getur haft ófyrirséð áhrif á frjósemi þeirra)
• Um 236 sjúkraskýrslur óléttu kvennanna týndust, sem er lögbrot.
• Af hinum 34 konunum sem urðu óléttar, misstu 80% fóstrið.
• Nanóagnirnar hafa áhrif á fylgjur kvenna, sem varð harðari og flatari þ.a. líkur á fyrirburafæðingum jókst einnig.
• Nanóagnirnar komast líka í fóstrið, og safnast í kynkyrtlum þar sem þær geta mögulega haft áhrif á kynþroska drengja þegar þeir komast á kynþroskaskeið.
• CDC var með skýrslu frá Pfizer, þar sem tvö tilfelli fósturmissis voru skrifuð á bóluefnin, þegar CDC ráðlögðu að óléttar konur yrðu sprautaðar.

Á sama tíma og þetta er að gerast hafa fæðingaþjónustur í Bandaríkjunum verið að sjá 40% aukninga fósturmissa.  Hér á landi varð 117% aukingin í tíðni andvana fæðinga og nýburadauða árið sem óléttar konur fengu sprautuna. Eins varð um 10% fækkun fæðinga árið eftir að konur á barnsburðaraldri voru sprautaðar (488 færri börn).  Ekki virðist þó haldið utan um tíðni fósturmissa hér á landi, sem getur vart talist verjanlegt við þessar kringumstæður.  Síðan sprautuherferðin gekk yfir hefur fæðingartíðnin hér á landi jafnvel farið enn meira lækkandi.

Vel er hugsanlegt að þessi þróun eigi eftir að versna verulega á næstu árum og áratugum, þegar börnin og unga kynslóðin sem var sprautað kemst á barneignaraldur, því bóluefnið virðist beinlínis hafa verið ófrjósemis-lyf.

Af hverju voru allir bólusettir með þessu eitri ef vitað var fyrirfram að það gæti valdið ófrjósemi?  Mögulega að fórna komandi kynslóðum?  Hvað gekk mönnum til? Gelda þjóðina?

Kannski við hæfi að rifja það upp nú að bóluefnafrömuðurinn Bill Gates er jafnframt einn úttalaðasti um áhyggjur sínar af offjölgun mannkyns.  Þegar fólk áttar sig á því að þetta var vitað fyrirfram, er þessi kanínuhola ansi djúp.

 

Skipulagðar blekkingar

Margar aðrar upplýsingar koma fram í Pfizer skjölunum sem þyrfti eiginlega að fjalla um sérstaklega.  Meðal þess er hvernig blekkingum var beitt. Þannig vissi Pfizer  í nóvember 2020 að bóluefnin hindruðu ekki smit og i apríl 2021 vissu bandarísk yfirvöld af hjartavöðvabólgu faraldrinum og lögðu á ráðin hvernig best væri að tala þau niður til að vinna gegn bóluefnahiki.  Kynning Naomi Wolf á þessum rannsóknum verður þannig afar áhugaverð.

Bláa pillan í kóvid-Matrixnum

Hafið þið einhvern tíman velt fyrir ykkur hvernig það væri að lifa í “Matrix”-heimi, þar sem allt sem ykkur er sagt er lygi og þeir fáu sem sögðu sannleikann væru cancelaðir til að halda ykkur sofandi.

Þessi lygaheimur er flestum Íslendingum nær en margan órar fyrir, því á covidtímanum var öllum boðið í Matrixinn. Fáir komust þó í rauðu pilluna, því hvert sem litið var var einhver að bjóða þeim bláu pilluna. Á hverjum degi, mörgum sinnum á dag, á hverjum almannavarnafundi, í hverjum fjölmiðli, útvarpi, sjónvarpi, netmiðli og jafnvel í vinnunni og í fjölskylduboðum.  “Ég hlýði Víði” varð mottóið sem allir urðu að lifa eftir. Hápunktur áróðursins var þegar byrja átti að dreifa eitursprautunum.   

Á þeim tíma leiddi ég coviðspyrnuna, hóp fáu sem höfðu tekið rauðu pilluna og gerði allt í mínu valdi til að vara Íslendinga við hættunni. Við mótmæltum um hverja helgi á Austurvelli og reyndi að komast í alla miðla sem vildu taka við mér. Í nóvember-desember 2020 fór ég í nokkur slík viðtöl. Öll eru þau súrrealísk í dag vegna lyga viðmælendanna sem þó oft vissu ekki betur.

Fyrst mætti ég lækni í kappræðum á Harmageddon sem talaði fyrir skaðleysi bóluefnanna og að Bóluefnaframleiðendur bæru ábyrgð.  

Næst tókst mér með herkjum að komast að í “Í bítið” í fyrsta sinn í kófinu. Eitthvað urðu þeir þó smeykir og stuttu fyrir viðtalið breyttu þeir formatinu í kappræður við Björn Inga - æðstaprest “Ég hlýði Víði” dygðarsinnanna.  “Hættulegar” skoðanir mínar máttu ekki koma fram nema einhver sem gæti gripið inn í og bjagað umræðuna. Birni virðist svo hafa verið boðið í stúdíóið en ég þurfti að sitja heim og taka viðtalið í síma í takmörkuðum hljóðgæðum.  Viðtalinu var síðan vandlega stýrt af þáttastjórnendum og þegar leið á það voru þeir báðir komnir í lið með Birni í andsvörum. Bláu pillurnar sem ég fékk að heyra voru margar: Bóluefnin voru vel rannsökuð, stöðvuðu smit og myndu enda kófið. Ísland stóð sig best í sóttvörnum, lokun landsins þegar smit voru flest í evrópu og rústun ferðaþjónustunnar var mild aðgerð, landið var ekki lokað, … og allt á þessum nótum.  …. Öllu var vel stýrt af þáttastjórnendum þar til þeir leyfðu mér að eiga síðasta orðið.  Það átti að vera 30 sekúntum en endaði í rúmum þrem mínútum.  [mínúta 20:40-23:49].  

Stór feit rauð pilla:

Ég: “Ljósið við endann á göngunum sem Björn er að lofa er bóluefnið.  Þetta er líklega vanþróaðasta bóluefni heimssögunnar. Þetta er RNA tækni sem enginn hefur prófað áður.  Það eru nú að koma fram upplýsingar um að að einn af þeim sem voru í bólefnaprófunum Pfizer, hann dó þremur dögum eftir að hafa fengið sprautuna. Ef við yfirfærum það á Ísland og að bóluefnið muni verða jafnhættulegt fyrir Íslendinga þá mun það þýða að 15 Íslendingar deyja bara af bólusetningunni sjálfri.  Þetta eru ekki Íslendingar sem meðalaldur er 88 ára sem er meðalaldur þeirra sem deyr nú úr covidi heldur yrði þetta ungur Íslendingur.

Gulli [grípur inn í]” Jóhannes var þetta ekki aðilinn sem fékk lyfleysuna?

Ég: “Nei þetta var einn af aðilunum sem fékk lyfið og hann dó þremur dögum eftir það”  

Það eru nú að koma fram alls konar upplýsingar um bóluefnið í Bretlandi og það var einn aðili [Yeadon] sem fór að vara við hvað þetta væri hættulegt og hann spáði þrennu.  Hann spáði því að það myndu koma einhver ónæmisviðbrögð út af PEG - Þetta var eitthvað sem Pfizer varaði ekkert við og það gerðist um leið og …

Heimir [grípur fram í]: … og bara að lokum við heyrðum í Þórólfi hér í morgun og Þórólfur sagði að allir okkar helstu sérfræðingar voru að fara yfir gögnin um þetta bóluefni og það væri ekkert í þeim sem bentu til þess að þetta væri hættulegt. Ég sá líka viðtal á BBC við sérfræðing frá læknaháskóla í New York ríki sem sagði að þetta væri nú sennilega eitt.. Eða það bóluefni sem mest hefði verið skoðað af þeim öllum hingað til og það væri nú ekkert sem benti til þess að það væri hættulegt. Þ.a. menn eru greinilega þá greinilega ekkert á eitt sáttir með þetta. Það eru skiptar skoðanir á þessu. 

Ég:  Ekki tímaleysið. Málið er að það verður að bíða einhvern tíma til að fá niðurstöðu úr þessu… 

Heimir:   … langtímaverkanir kannski.

Ég:  Langtímaverkanir og ekki bara það heldur planið, þetta var þétt svo saman bóluefnarannsóknirnar að menn voru ekki endilega að gera réttu prófanirnar. Menn vissu ekki alveg hvað mælingar áttu að gera í næstu skrefum þ.a. Óvissan er allt önnur.

… og bara ég verð að koma þessu að þetta er svo mikilvægt:

Það vera þessi aðili, [sem er] fyrrverandi yfirmaður [hjá] Pfizer [Yeadon].  Hann varaði við fjórum aukaverkunum: Fyrsta er komin fram núna, það var þetta sem gerðist í Bretlandi [óðaofnæmi vegna PEG]. Hann varaði líka við þessum langtimaverkunum. Hann varaði líka við því að að það væri ekki búið að rannsaka áhrif Pfizer bóluefnisins á frjósemi kvenna og það var undanskilið í prófununum.  … og hann fór fram á það að prófununum [og dreifingu bóluefnisins] yrðu stöðvaðar því sjálfboðaliðarnir voru ekki varaðir við.  … og fjórða sem gæti gerst: Fólk verður að átta sig á hvað þetta er hættulegt. Fjórða aukaverkunin af þessu bóluefni er svokallað ADE [Antibody Dependent Enhancement] og þetta gerir það að verkum að allir sem fá bóluefnið geta einhvern tíman seinna meir orðið meira veikir af covid held en ef þau hefðu ekki fengið það  [bóluefnið]…  [heimir byrjar að grípa fram í en ég held áfram] … þetta er ljósið við endann á göngunum.  

 [Ætlaði svo að klára með að segja að “ljósið sem Björn Ingi sæi við endanum á göngum væri lest sem mundi bruna yfir hann og alla þá sem honum fylgdu en þarna stoppuðu þeir mig alveg af.]

Heimir: [grípur fram í] … en þetta eru nú allt saman hugtök sem við þekkjum ekki sem erum ekki sérmenntaðir þannig að við munum að sjálfsögðu reyna að fá einhvern sérfræðing sem þekkir þessi hugtök til okkar í fyrramálið og fara yfir þessi orð þín.  Og og og hafa allt saman á borðinu í þessum efnum.  [damage control]

Eftirleikurinn

Daginn eftir var yfirlæknir ónæmisdeildar landsspítaland og helsti hvatamaður covid-bólusetningann kallaður til í drottningarviðtal til að gefa hlustendum aftur bláu pilluna.

Ég fékk ekki að koma aftur í Bítið til að svara lækninu eða rökræða við hann, en Harmageddon tóku þó við mér og gáfu mér gott viðtal til að fara yfir málin. Þetta seinna viðtal er ansi magnað fyrir þær sakir að vera hálfgert nostradamusarviðtal því allt sem þar er sagt raungerðist síðar (sjá viðtalið hér).

Hvorki mér né nokkrum sem talaði gegn eitursprautunum fengum aftur að komast í Bítið fyrr en búið var að bólusetja alla þjóðina. Aðeins bláar pillur voru leyfðar í bóluefnaumræðunni eftir það.  Þeir voru ekki einir um það því RÚV talaði aldrei við okkur fyrr en við buðum fram til alþingis.

Það athyglisverðasta við þetta viðtal var hvernig útvarpsþættinum virðist hafa verið ritstýrt til að kæfa alla gagnrýni á yfirvöld.  Þegar hættulegar staðreyndir komu fram þurfti að kalla til sérfræðing til að gefa bláar pillur morguninn eftir. Þetta lýsir líklega tíðarandanum. Allir voru á bláu pillunni og rauðar pillur ógnuð þeirra lífssýn og því mátti enginn vita af þeim.

Pfizer skjölin (stóra rauða pillan)

Næsta þriðjudag mun Naomi Wolf halda erindi um Pfizer skjölin, um 450.000 skýrslur sem Pfizer gerði við þróun bóluefnanna og átti að halda leyndum frá almenningi næstu 75 árin, en var þvingað til að birta.  Umfjöllun um þetta mun verða efni næsta bloggs.  Mæli með við alla að mæta í gamla bíó glukkan 19:00 á þriðjudaginn 15. apríl.  Hægt er að kaupa miða hér.

… en sem sýnishorn af því sem þar kemur fram, má nefna það að á sama tíma og ég var í þessum viðtölum að vara við skaðsemi covidbóluefnanna á frjósemi kvenna, voru vísindamenn Pfizer búnir að uppgötva að bóluefnið ylli slíkum skaða og voru að rannsaka það.  Sönnunargögnin fyrir skaða á konum voru þannig þegar komin fram en samt var ákveðið að halda áfram með sprautuherferðina án þess að upplýsa almenning.

Eldgosahætta á Reykjanestá og í Krísuvíkurkerfinu eykst

Eldsumbrotin á Reykjanesi eru ekkert á förum á næstunni og eftir síðustu umbrot er kvikuinnflæði í dag þrefalt hraðara en fyrir síðasta gos.  Mögulega hefur losun spennu við umbrotin valdið þessu.  Skammt kann því að vera í næstu umbrot.

En hvað ætli gerist svo í framhaldinu.  Ætli það gæti líka gosið annars staðar? Töluvert hefur verið rætt um mögulegt kvikuinnskot að Búrfellsgjá sem gæti vaknað.

Mig langaði að skoða þetta aðeins og hlóð því niður öllum jarðskjálftum frá 2020 á Reykjanesi. Þar sem mestur áhuginn fyrir framhaldið er hvert kvikan er að leita skoðaði ég eingöngu  skjálfta sem eru á 4 -25 km dýpi, sem er dýpi kvikuhólfa. 

Landrekið 

Fyrsta myndin hér sýnir sjálftan m.t.t. landreksins. Þessi mynd er mjög áhugaverð því hún sýnir stóru myndina af því hvernig skjálftarnir raða sér á landreks línuna.

 

Spennan

Til að fá enn betri hugmynd um hvað er í gangi skoðaði ég líka orkuna sem losnar úr skjálftum.  Þessi orka sýnir hina raunverulega krafta sem eru í gangi og hvar þeir hafa mest losnað.

Á þessari orkumynd sést að mest orka er að losna kringum eldgosaprungurnar  (Fagradalsfjall og Sundhnúkagíga). En athyglisvert er að sjá að við báða enda gosprunganna eru orkuþyrpingar í aðliggjandi eldstöðvakerfum.  Mjög miklir kraftar hafa verið að losna á Krísuvíkursvæðinu auk þess sem Reykjanestá og Eldvörp hafa verið með töluverða virkni.  

Þessu til viðbótar er vitað að töluverð hreyfing hefur orðið á landi  við gossprungurnar.  Þó að slík opnun gossprunga kunni að losa um spennu staðbundið, er þó í rauninni alltaf um einhverja færslu á spennu að ræða til nálægra sprungukerfa þar sem spenna eykst.

 

Aðdragandi Grindavíkurgosanna

Þegar aðdragandi Grindavíkurgosanna er skoðaður sést að lítið gerðist fyrr en í október 2023. Fjöldi skjálfta var á öllu svæðinu, en öll orkan var undir Svartsengi.

 

 

Aðdragandinn fyrir stækkun kvikuhólfs er þannig ekki langur.

 

Virknin 2025

Með þetta í augum er athyglisvert að skoða jarðskjálftavirknina 2025.  Fyrst með mynd sem sýnir staðsetningu skjálfta:

Hér sést greinilega hvernig virknin teygist í dag eftir endilangri Sundhnúkagígasprungunni og miðað við fyrri gos þá má alveg velta fyrir sér hvort að sprungan geti farið mikið lengra en þetta áður en virknin færist í næsta sprungukerfi/eldstöðvakerfi.

… og svo með orkumynd:

Á þessari orkudreifingamynd sést áberandi hvernig mikil orkulosun á sér stað í aðliggjandi eldstöðva-sprungukerfum á Reykjanesi og í Krísuvíkurkerfinu.  Þetta sýnir að þar getur líka brostið á eldgos nánast hvenær sem er. 

 

Eldgos á Reykjanestá og í Krísuvíkurkerfinu eru óumflýjanleg

Þegar jarðfræðikort ÍSOR af Reykjanesi er skoðað sést að í þremur síðustu eldgosatímabilum urðu gos í báðum þessum eldstöðvum.  Þótt auðveldlega geti liði einhverjir áratugir á milli, þá verður að telja líklegt vegna þess hversu virknin þar er mikil í dag að slíkt muni gerast fyrr en síðar.  

Báðar þessar gosstöðvar ógna mikilvægum mannvirkjum eða byggð.  Það er því alveg kominn tími á að undirbúa næstu hraunvarnir. Bæði á Reykjanesi og í Hafnarfirði. Undirbúningur slíks tekur tíma og því veitir ekki af því að byrja undirbúninginn strax.

 

Einkarekin Reykjavík leysir allt

Fyrir liðlegum sjö árum kynnti ég fyrst hugmyndir um göng í Reykjavík sem hefðu getað leyst allan vanda Reykjavíkur. Lóðavandann, húsnæðisvandann, umferðarvandann og dregið úr fátækt. Arðsemin af nýju landi sem yrði aðgengilegt með göngunum er það mikil að göngin hefðu verið ókeypis. 

Ef hlustað hefði verið á þessar hugmyndir þá, hefðu einhver göng þegar verið komin og fasteignaverð byrjað að lækka samhliða hraðri uppbyggingu háhýsabyggð i Viðey og rólegri einbýlishúsahverfum á Kjalarnesi, Geldingarnesi og víðar.  Ódýr húsnæði fyrir alla eins og tíðkaðist fyrir aldamótin yfirð aftur veruleiki og Sundabraut væri óþörf.

Því miður var ekki hægt að snúa vitleysislestinni.  Vegna Borgarlínublætisins hefur bara verið byggt á dýrstu svæðum síðan greinin var skrifuð og ekkert fær stöðvað hina vanhugsuðu Sundabraut og rándýra sæbrautarstokk. Engum skal koma á óvart að sett verði upp gjaldtökuhlið í ártúnsbrekku til að fjármagna þessa sóun vegafés.

 

…. Hér greinin sem birtist í mogganum 29. mars 2018.

=============================================

Einkarekin Reykjavík

Eftir Jóhannes Loftsson: "Leyfum einkaframtakinu að leysa húsnæðis- og samgönguvandann og byggjum Viðey."

Aðalvandamálið við þéttingu byggðar er plássleysið. Uppbygging verður flókin og dýr og innviðir yfirfyllast. Hið háa fasteignaverð sem þéttingunni fylgir eykur hins vegar tekjur borgarinnar, sem fyrir vikið hefur fjárhagslegan hag af því að nýta einokunaraðstöðu sína til að þvinga óeðlilega þéttingu byggðar.

Í samgöngumálum nýtir síðan ríkið einokunaraðstöðu sína til að rukka ökumenn um þrefalt meira fé en notað er í vegakerfið. Þar af fer megnið í lítið notaðar framkvæmdir á landsbyggðinni, sem borga sig aldrei upp. En meira að segja þó að fólk í borginni væri reiðubúið til að borga fyrir að komast hraðar milli staða, þá fær það það ekki, því það er enginn annar sem má mæta þörfinni.

En hvað er þá til ráða? Það greinilega bráðvantar samkeppni bæði í samgöngum og á húsnæðismarkaði. Lausnina gæti verið að finna í Hvalfirði, þar sem nú er að ljúka áhugaverðri tilraun sem tókst vonum framar. Hvalfjarðargöng voru einkaframkvæmd aðila sem höfðu mikinn hag af bættum samgöngum og fjármögnuðu framkvæmdina á eigin ábyrgð byggt á væntingum um tekjur af vegtollum. Niðurstaðan varð ein hagkvæmasta vegaframkvæmd Íslandssögunnar, sem gjörbreytti öllu Vesturlandi með því að færa það nær Reykjavík.

Í Reykjavík eru á margan hátt mun betri markaðslegar aðstæður fyrir slíkar einkaframkvæmdir því þar getur verðmætaaukning landsins ein sér oft auðveldlega fjármagnað alla framkvæmdina. En til að það skili sér þarf að byggja hverfin hratt. Slíkri hraðri uppbyggingu fylgir áhætta sem óæskilegt er að sveitarfélög taki á sig. Hægt væri að minnka þá áhættu með því að þróunarfélagið tæki sjálft yfir hluta af skuldbindingum borgarinnar, gegn niðurfellingu viðkomandi gjalda.

Uppbygging Viðeyjar er dæmi um verkefni sem gæti reynst afar hagkvæmt að fara í. Opnast mundi á víðáttumikið landsvæði á besta stað og hluti Sundabrautar yrði óþarfur án þess að skattgreiðendur þyrftu að borga krónu.

Viðeyjarbyggð

dag eru á Viðey 170 hektarar af verðlausu landi. Með landtengingu um göng frá Laugarnesi og uppbyggingu sem því fylgir mun þetta land verða gríðarverðmætt. Útgraftarefnið sem kæmi úr göngunum og uppbyggingunni á svæðinu væri síðan hægt að nýta til að stækka flatarmál eyjunnar um 10-20 hektara til viðbótar í grynningum við hana. Hér er um mikið landflæmi að ræða, sem til samanburðar er jafnstórt gömlu Reykjavík innan gömlu Hringbrautar, að Örfirisey og Tjörninni undanskilinni.

Ef þróunarfyrirtæki tæki fimm þúsund krónur á fermetra lands nægði það fyrir slíkum göngum auk vegtengingar yfir grynningar til Gufuness. Þetta er afar lágt verð miðað við gangverð lóða í dag.

Byggðin í Viðey er þar að auki mun nær miðbænum en flest þéttingarhverfi sem nú er verið að byggja. Það tekur t.d. ekki nema um fjórar mínútur að keyra alla leið að Hörpu, og því má segja að hér sé í raun um þéttingu byggðar að ræða. Munurinn er þó sá að Viðey er mjög opið og auðbyggjanlegt landsvæði, með mikla náttúrufegurð og laust við umferðarmengunina og skarkalann sem fylgir öðrum þéttingarsvæðum.

Einn kostur við að einkaaðili fjárfesti háar upphæðir í rándýrri vegtenginu eins og til Viðeyjar er að það setur pressu á hann að koma landinu í verð sem fyrst. Fyrir vikið hentar svæðið vel til að vinna hratt á núverandi húsnæðisvanda í samkeppni við önnur svæði. Annar meiriháttar kostur er síðan að með ódýrri landtengingu í Gufunes verður 1. áfangi Sundabrautar óþarfur, með tuga milljarða sparnaði fyrir skattgreiðendur.

Einkaframkvæmdir eru framtíðin

Þó að Viðey sé líklega langhagkvæmasta framkvæmd sem hægt er að ráðast í í Reykjavík gætu margar aðrar framkvæmdir í borginni einnig reynst mjög arðsamar. T.d. mætti byggja Kollafjarðargöng með því að framlengja Viðeyjargöngin alla leiðina til Brimness. Tenging við þjóðveg myndi styttast um 16,5 km og allt Kjalarnes, sem er helmingurinn af öllu landi Reykjavíkur, mun opnast fyrir uppbyggingu. Aðeins níu mínútna akstur um göng mun þá skilja hið nýja byggingarland frá restinni af Reykjavík, og því mun lóðaskortur í Reykjavík líklega heyra sögunni til fram á næstu öld. Einnig mætti tengja Þerney, Álfsnes, Geldinganes og Engey gegnum göng og byggja Skerjafjarðarbraut. Í öllum tilfellum er um afar vænlega fjárfestingarkosti að ræða, sem myndu ekki kosta skattgreiðendur krónu.

Húsnæðisokur og ónýtir vegir eru ekki náttúrulögmál og því löngu orðið tímabært að ríki og borg losi tökin og láti af einokun í vegagerð og á húsnæðismarkaði. Barátta Íslands gegn einokun hófst einmitt í Viðey, og því er vart hægt að hugsa sér betri stað til að byrja byltinguna.

Höfundur er formaður Frjálshyggjufélagsins.

Drukkinn sjómaður óskar eftir sparnaðarráðum. (Reykjavíkurborg)

1. apríl kallaði borgarstórnin eftir að íbúar og starfsmenn sendu sparnaðartillögur til borgarinnar. Eftir mestu fjármálaóstjórn í sögu borgarinnar sem hefur gert þetta stærsta og öflugasta sveitarfélag landsins nánast gjaldþrota, á almenningur að trúa því að þetta sama fólk sé ekki með aprílgabb og ætli sér allt í einu núna að byrja að spara.

En í anda samvinnu og skynsemissjónarmiða langar mig þó að koma með nokkrar tillögur:

1. Ekki kaupa 1000 strá á 1000 krónur stykkið.  Það er nóg af stráum á Íslandi.
2. Ekki breyta bragga í lúxusveitingahús.
3. Ekki byggja fleiri mathallir, sérstaklega ef þú nennir ekki að hanna þær sem slíkar áður en þú byrjar, því kostnaðurinn gæti aftur þrefaldast.
4. Ekki byggja rándýra sorpverksmiðju sem framleiðir örplastmengaðan jarðveg sem enginn vill
5. Þegar þú kostnaðarmetur rándýra sorpverksmiðju, er verra að gleyma að telja kostnaðinn af vélbúnaðinum með.  (1-2milljarða framúrkeyrsla)
6. Þegar þú kostnaðarmetur nýja skóla, þá er ekki gott að gleyma öllu inni í skólanum.  (1milljarður + framúrkeyrsa)
7. Pálmatré þrífast illa á Íslandi.
8. Ekki byggja fuglahús úti á miðri götu. (Hofsvallargata)
9. 10 milljarðar fyrir göngubrú er hár kostnaður.
10. Ekki byggja leikskóla sem kostar 25 milljónir á barn.
11. Ekki byggja leikskóla með torfþaki. Enn verra er svo ef þakið er ekki burðarþolshannað fyrir torfið.
12. Ef fyrirtæki eru rekin með bullandi tapi, þá er það ekki merki um að viðskiptahugmyndin sé góð.  Tíföldun útgjalda til strætó gegnum borgarlínu er ekki að fara að skila neinum neitt, nema fasteigabröskurum.
13. Það á ekki að fjármagna sveitarfélög með lántökum byggt á fasteignabraski Félagsbústaða.
14. Ekki fara í tilraunaverkefni við að dæla eiturgasi undir nágrannasveitarfélög.
15. Ekki fara í vindmillutilraunaverkefni á landi nágrannasveitarfélaga (Mosfellsheiði), virkjaðu frekar meiri jarðvarma.  Nóg er til.
16. Starfsmenn sveitarfélaga sem vilja spara eiga ekki að vinna styttri vinnutíma en almenningur á sömu launum.

... læt þetta nægja í bili,

 

Nær kvikuinnskotið undir “Hvassahraunsflugvöll”?

Í október síðastliðnum kom út sérfræðiskýrsla um nýjan flugvöll við Hvassahraun.  Í skýrslunni sagði að líkur á gosupptökum innan svæðisins væri hverfandi.  Niðurstaða skýrsluhöfunda var að þeir ættu að fá meira fé til að rannsaka flugvallarkostinn betur.  Það fylgdi þó ekki sögunni í upphafi að eldgosahættan byggði á mati frá því ÁÐUR en eldsumbrot hófust á Reykjanesi!!!

Í jarðhræringunum vegna 1. apríl eldgosins náði kvikuhlaupið Sundhnúkagíga-sprunguna norðar en nokkru sinni fyrr.  Eins sést að veruleg skjálftvirkni er einnig 3km austan við norður-hluta sprungunnar.    Þessi skjálftar eru mikið til á kvikuinnskotsdýpinu 4-5km.   Athygli vekur að þetta austara svæði liggur ekki nema um 500 metra frá fyrirhugaðri flugbraut og nyrðri endi Sundhnúkagígaskjálftanna eru ekki nema 3 km frá fyrirhugaðri flugbraut í Hvassahrauni.

Teiknað flugvallastæðið eins og það er kynnt í Rögnuskýrslu inna á jarðskjálftakortið á vafra í m.v. virkni síðustu 18 klukkustundir.

 

Gróf staðsetning hvassahraunsflugvallar m.v. eldsumbrotaskjálftana

 

Nákvæmari staðseting Hvassahraunsflugvalla m.v. eldsumbrotsskjálftana.(tekið af vafri.is)

 

Í samkomulaginu um Reykjavíkurflugvöll skrifuðu báðir aðilar upp á það að innanlandsflug yrði ávalt staðsett á höfuborgarsvæðinu.  Niðurstaða Rögnunefndarinnar var að mæla með Hvassahrauni, og tilkynnt var samtímis að flugvallarkostir væru fullkannaðir með þeirri skýrslu.  Eitt af skilyrðum samkomulagsins um Reykjavíkurflugvöll var einmitt að flugvallarkostirnir yrðu fullkannaðir sem varð því um leið ein forsenda fyrir að halda mætti áfram með lokun neyðarbrautarinnar.

Augljóst er að þessi forsenda er brostinn.  Það byggir enginn heilvita maður nýjann mörg hundruð milljarða flugvöll ofan á virku eldfjalli!

Tími Marshallaðstoðarinnar er liðinn.

Margt bendir til að tollastríð gæti skollið á milli Evrópusambandsins og Bandaríkjanna.  Ef ef svo færi gæti ESB farið mun verr út úr því en margur ætlar.

Þetta sést greinilega þegar viðskiptajafnvægi milli ESB og Bandaríkjanna er skoðað.  2024 fluttu Bandaríkin inn 40% meira en þau seldu til ESB, eða 200 milljörðum. Þetta segir ekki alla söguna því 20-30% af innflutningi ESB var gas til orkuframleiðslu og  innflutt framleiðsla frá Bandaríkjunum var hverfandi miðað sambærilegan útfluting ESB til Bandaríkjanna. ESB er nefnilega fyrst og fremst tollabandalag og tollar og alls konar reglugerðarinnflutningshindranir hafa ójafnað leikinn Bandaríkjunum í óhag. Leiðin fyrir bandarísk fyrirtæki að selja sína vöru í ESB felst þannig fyrst og fremst í að flytja verskmiðjuna til ESB.

 

Í tollastríði mundi þetta snúast við og evrópsku fyrirtækin yrðu að flytja framleiðslueiningar til Bandaríkjanna til að vera áfram á þeim markaði. Tollastríð sem mundi stöðva gasinnflutning frá Bandaríkjunum eru heldur ekki að fara gera Evrópubúum  neinn greiða.  Orkukrísan þar mundi bara dýpka.

Leiðin fyrir ESB til að komast hjá slíkum óförum felst þannig ekki í að standa í hótunum, heldur reyna að vinna með bandamönnum sínum og fella niður tolla og aðlaga flókið regluverk til að auðvelda viðskipti með bandaríska vöru svo viðskiptajafnvægi náist.

Frá því eftir seinni heimstyrjöld hafa Bandaríkjamenn einir borið meginþorrann af kostnaði við NATÓ. Ef bandaríkjamenn hefði borgað álíka hlutfall GDP of ESB lönd hefðu útgjöld þeirra verið um 500 milljörðum minni.  Alls eru þetta orðið því 700 milljarða ójafnvægi í útgjöldum.

Eftir seinni heimstyrjöldina studdu Bandaríkjamenn margar vinaþjóðir til að jafna sig eftir stríðið og hjálpa þeim úr fátækt, með svokallaðri Marshall aðstoð. En nú eru 80 ár liðin frá því stríðinu lauk og löngu orðið tímabært að slíkum gjafastuðningi sé hætt.

Íslensk yfirvöld ættu líka að huga að því að lækka innflutningstolla frá Bandaríkjunum.